SHAKAWN KUNGDAWN 143:8 - Jinghpaw Common Language Bible 2009

⁸ Nang hpe ngai kam hpa nga nngai majaw, jahpawt manap shagu hta, na a dinggrin tsaw ra myit ngai hpe a shadum ya nga rit. Nye a akyu hpyi ai ga gaw nang kaw hkrang lung wa nna, ngai hkawm sa wa ang ai lam, ngai hpe madun ya e.

Jinghpaw Hanson Version Bible

⁸ Nang hpe ngai shamyet shanat nga nngai majaw, Jahpawt manap e, na a chyeju ngai hpe shana ya e. Nang kaw nye a myit masin hpe ngai sharawt nga nngai majaw, Ngai sa wa ai lam ngai hpe sharin ya e.

SHAKAWN KUNGDAWN 143:8 ပူးပေါင်းရင်းမြစ်များ

SHAKAWN KUNGDAWN 119:34

Na a tara, ngai hpe shaleng dan et, shing rai, dai hpe ngai madat mara nga na nngai; nye a myit masin mahkra hte, dai hpe ngai mazing bang da na nngai.

SHAKAWN KUNGDAWN 119:73

Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.

SHAKAWN KUNGDAWN 143:10

Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

SHAKAWN KUNGDAWN 25:20

Ngai hpe makawp maga ai hte hkye hkrang la e; ngai hpe hkum sum shangun nga et. Shim lum nga na matu, nang kaw ngai sa du nngai.

SHAKAWN KUNGDAWN 27:11

Madu e, nang ngai hpe hpa galaw shangun mayu ai lam ngai hpe sharin ya e, Ngai gaw gumlau hpyen law law lu nga nngai majaw, shim ai lam dingyang hta ngai hpe woi lakawn wa rit.

SHAKAWN KUNGDAWN 30:5

Shi a masin kahtet ai gaw hkring mi sha rai nga ai, shi a mai kaja ai lam prat ting a matu rai nga ai. Shana e myi prwi ni lwi nga ti mung, jahpawt e kabu gara ai lam lu la nga ai.

SHAKAWN KUNGDAWN 32:8

Dai Madu gaw, “Nang hkawm sa ang ai lam ngai nang hpe sharin ya na nngai, ngai nang hpe hpaji jaw nna sharin matsun na nngai.

SHAKAWN KUNGDAWN 42:8

Dai Madu gaw shani na aten hta, shi a dinggrin tsaw ra myit hpe madun dan ya u ga; shaloi, shana na aten hta, ngai mung mahkawn shakawn lu na nngai; nye a asak a Karai Kasang hpang de akyu hpyi lu n-ga.

SHAKAWN KUNGDAWN 46:5

Karai Kasang gaw dai mare hta shanu nga nna, dai mare gaw galoi mung jahten kau ai hkrum na n rai; jahpawt manap jau jau e, dai mare hpe shi karum la na matu pru sa na ra ai.

SHAKAWN KUNGDAWN 5:8

Madu e, Ngai gaw gumlau hpyen law law lu nga nngai! Na myit ra ai hku, galaw lu u ga, ngai hpe lam woi la e; na a lam hkan lu hkra nye a matu na a lam hpe jasan ya rit.

SHAKAWN KUNGDAWN 59:16

Rai ti mung, na a n-gun atsam a lam hpe ngai mahkawn mangoi nga na nngai; na a dinggrin tsaw ra myit a lam hpe jahpawt manap shagu ngai ja ja mahkawn shakawn na nngai. Nang gaw nye a langchyi rai nga nna, ngai ru tsang hkrum ai aten hta na shingbyi shara rai nga nit dai.

SHAKAWN KUNGDAWN 86:4

Madu e, Nye a akyu hpyi ai ga ni nang kaw hkrang lung wa nga ai majaw; na a shangun ma wa hpe kabu shangun e law.

SHAKAWN KUNGDAWN 90:14

Jahpawt shagu, na a dinggrin tsaw ra myit hte anhte hpe jahpring ya mi; shing rai, anhte a asak prat tup kabu gara ai hte nang hpe mahkawn shakawn nga lu u ga.

ESAIA 30:21

Nanhte gaw hkra de, pai de lam yit wa ai rai yang, nanhte a shingdu e, “Ndai gaw lam rai nga ai, de a hpang hkan mu,” ngu nna shaga ai shi a nsen hpe na lu na rai myit dai.

ESAIA 48:17

Nang hpe hkye la ai dai Madu Israela a chyoi pra ai Karai Kasang gaw ning nga tsun ai: “Ngai gaw na a mai kaja lam a matu nang hpe sharin achyin ya mayu ai wa hte nang hkawm sa mai ang ai lam hta nang hpe lakawn la ai wa dai Madu na a Karai Kasang rai nga nngai.

SHARUNG SHAYAWT 3:41

Sumsing lamu hta nga ai Karai Kasang hpang de anhte a myit masin ni hpe hpaw da nna, akyu hpyi ga;

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

TARA AGYI 13:12

Dai hpang Mano gaw, “Na a ga teng wa lit dai shaloi, dai shadang sha hpa galaw na rai ta? Shi gaw kaning re ai asak hkrun lam hpe lam woi awn ang na rai ta?,” ngu nna san wu ai.

1 SAMUELA 23:12

Dawi gaw kalang mi bai, “Kila mare masha ni nye a masha ni hte ngai hpe Shawlu a lata de ap ya na rai ma ni?,” ngu nna san wu ai. Shaloi dai Madu gaw, “Shanhte ap kau na mara ai,” ngu nna htan wu ai.