SHAKAWN KUNGDAWN 143:7 - Jinghpaw Common Language Bible 2009

⁷ Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

Jinghpaw Hanson Version Bible

⁷ Yehowa e, ngai hpe alawan htan ya e, Nye wenyi htum mat sai; Nsung hku hta shang ai ni zawn, ngai n rai mat u ga, Na a myi man ngai kaw na hkum kayin la et.

SHAKAWN KUNGDAWN 143:7 ပူးပေါင်းရင်းမြစ်များ

SHAKAWN KUNGDAWN 102:2

Ngai nni nkri hkrum nga ai shaloi ngai kaw nna hkum kayin mat wa et! Ngai shaga ai shaloi, nye a ga hpe madat ya nna, tin tin htan ya e!

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 27:9

“Nang gaw ngai kaw na hkum makoi nga et!,” Ngai hpe masin hkum pawt et; Na a shangun ma wa hpe hkum n dang kau et; Karai Kasang, ngai hpe hkye hkrang la ai wa e, Nang gaw ya du hkra, ngai hpe karum la ai wa rai nga ndai majaw, ngai hpe hkum kau da et, ngai hpe hkum kabai da nga et.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 40:17

Madu e, ngai gaw gawng kya nga nngai hte matsan mayan re ai wa rai nga nngai, rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a Karai Kasang rai nga ndai- ngai hpe karum la na tin tin du rit law!

SHAKAWN KUNGDAWN 69:17

Ngai gaw ru tsang kaba hkrum nga nngai majaw, nang hkum nan na a mayam wa kaw nna hkum makoi nga et; ya jang, ngai hpe htan ya e!

SHAKAWN KUNGDAWN 69:18

Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

SHAKAWN KUNGDAWN 70:5

O Karai Kasang e, ngai gaw gawng kya nga nngai hte matsan mayan re ai wa rai nga nngai; rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a Madu rai nga ndai. Ngai hpe karum la na tin tin du rit law!

SHAKAWN KUNGDAWN 71:12

Karai Kasang e, tsan tsan de hkum nga nga et; nye a Karai Kasang e, ngai hpe karum la na matu alawan du rit law.

SHAKAWN KUNGDAWN 84:2

Dai shara hta ngai kade wa nga mayu nga a hka! Madu a Nawku Htingnu kata hta shanu nga lu na ngai marit nga nngai. Nye a hkum hkrang, myit masin mahkra hte hte, ahkrung nga ai Karai Kasang hpe ngai kabu gara mahkawn shakawn nga nngai.

GA SHAGAWP 13:12

Myit mada ai lam htum mat yang, myit masin shadaw kau ai hkrum nga ai; myit mada ai hte maren, byin wa ai shaloi, nang hpe kabu gara ai myit hte jahpring ya nga ai.

ESAIA 38:18

Katsan ga na masha kadai mung nang hpe shakawn kungdawn lu ai n rai; Si hkrung si htan gaw na a sadi sahka hpe kam ai n rai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

LUKA 21:26

Masha ni gaw mungkan ting hta byin wa na ra ai amu ni hpe tau myit yu nna hkrit wa ai majaw htan mat na mara ai, hpa majaw nga yang, sumsing lamu ganghkau a atsam ni gaw shanhte a shara kaw na shamu shamawt gari ashun wa na mara ai.