SHAKAWN KUNGDAWN 143:5 - Jinghpaw Common Language Bible 2009

⁵ Ngai gaw lai mat wa sai nhtoi ni hpe adum nga nngai; nang galaw dan lai wa sai amu ni yawng a lam ni hpe, ngai myit sawn yu nga nngai, na a amu ni yawng hpe ngai myit aru yu nga nngai.

Jinghpaw Hanson Version Bible

⁵ Shawoi na nhtoi ni ngai dum nga nngai; Na a bungli yawng hpe ngai myit yu nga nngai: Na a lata a magam hpe, ngai aru yu nga nngai.

SHAKAWN KUNGDAWN 143:5 ပူးပေါင်းရင်းမြစ်များ

NINGPAWT NINGHPANG 24:63

Shi chyawm gaw shana maga de loi jau jau re ai aten hta pa layang hkan e hkawm chyai na nga, pru mat wa yang, gawla-uk ni wa ai hpe mu wu ai.

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 42:6

Ngai gaw ndai yang e, bawng dung hkrum nga yang nye a myit grai kaji la nga li ai; shing rai, shi gaw yawn hkyen hpa langai hpang langai hpe hka leng ni zawn nye a wenyi a ntsa e hprwi di ya ni ai; jahten shaza ai wa gaw mawru hka zawn nye a man e wu kadu nga ai; dai gaw hka rum ni Hermon bum hte Miza bum kaw nna Yawdan hka de mu ngoi ai zawn wu kadu hkrat wa ai nsen hte bung nga ai.

MIHKA 6:5

Nye a amyu masha ni e, Moba Hkawhkam Balak gara hku hpaji daw ai lam hte Beora a kasha Balam shi hpe gara hku htan ai ga dum nga u. Akasia dabang kaw nna Gilgala dabang lapran na hkrun lam hta byin lai wa sai lam ni hpe dum u. Nang gaw ndai lam ni hpe dum nna nang hpe hkye hkrang la na matu ngai galaw lai wa sai amu ni hpe nang bai chye wa lu na ndai,” nga nna tsun ai.