SHAKAWN KUNGDAWN 143:3 - Jinghpaw Common Language Bible 2009

³ Nye a gumlau hpyen wa ngai hpe hkan shachyut dep ni ai hte; ngai hpe atsai awai di nna dang kau nu ai. Shi gaw ngai hpe sin mak ai shara hta sharen da ai rai nna, moi na ten hta si mat wa sai ni zawn ngai rai nga nngai.

Jinghpaw Hanson Version Bible

³ Dai gumlau wa gaw nye a myit masin hpe hkan shachyut nu ai: Nye a asak hpe ga du hkra kabye kau wu ai: Moi moi na si mat ai ni zawn, Nsin sin ai shara e, shi ngai hpe nga shangun ni ai.

SHAKAWN KUNGDAWN 143:3 ပူးပေါင်းရင်းမြစ်များ

2 SAMUELA 18:11

Yoab gaw, “Nang shi hpe mu ndai rai yang, dai shara hta nan shi hpe hpa majaw n sat kau da n ta? Dai rai taw, ngai hkum nan nang hpe gumhpraw lap shi hte shingkyit langai jaw na sade ai wa,” ngu nna htan wu ai.

2 SAMUELA 2:22

Abna mung shi hpe, “Ngai hpe hkum hkan shachyut sa! Nang hpe sat kau na matu ngai hpe hpa majaw shagyeng nga n ta? Na a kahpu Yoab hte ngai kaning rai myi man mada hkat lu na rai nga ga ta?,” ngu nna lang mi bai tsun wu ai.

SHAKAWN KUNGDAWN 142:6

Ngai myit chyum myit htum hkrum hkra nga nngai majaw, karum la na matu, nye a hpyi jahtau ai nsen hpe madat ya e. nye a gumlau hpyen ni ngai hta nau wa n-gun ja nga ma ai majaw, shanhte a lata kaw nna, ngai hpe hkye hkrang la e law.

SHAKAWN KUNGDAWN 35:4

Ngai hpe sat na matu shakut ai ni gaw sum mat nna jahpoi jahpyak kau ai hkrum nga mu ga! Ngai hpe ninghkap na maw mawn ai ni mung shingdu de nhtang kau dat nna shanut kau ai hkrum mu ga!

SHAKAWN KUNGDAWN 54:3

Gumrawng gumtawng ai ni ngai hpe gasat na matu sa wa nga ma ai; Karai Kasang hpe hpa zawn n nawn nga ai masha mazut ni mung, ngai hpe sat na matu shakut nga ma ai.

SHAKAWN KUNGDAWN 7:5

nye a gumlau hpyen ni ngai hpe hkan shachyut rim nna, shanhte ngai hpe kahtum kadaw di sat kau nhtawm, asak n rawng sai ngai hpe ga ntsa e, kau da nga mu ga.

SHAKAWN KUNGDAWN 7:6

Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

SHARUNG SHAYAWT 3:6

Shi gaw ngai hpe si hkrung si htan a nsin kata hta anga nga na matu aja awa shadut nu ai.

EZEKELA 37:11

Karai Kasang gaw ngai hpe, “Si chye ai masha wa e, Israela amyu masha ni gaw ndai nrut nra ni zawn rai ma ai. Shanhte gaw hkraw mat saga ai, myit mada shara hpa mung n nga mat sai, du na ra ai aten mung n nga sai, nga nna shanhte tsun nga ma ai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.