SHAKAWN KUNGDAWN 143:12 - Jinghpaw Common Language Bible 2009

¹² Ngai hpe nang tsaw ra nga ndai majaw nye a gumlau hpyen ni hpe shamyit kau u, ngai gaw na a shangun ma wa rai nga nngai majaw, ngai hpe dip gamyet sha nga ai ni yawng hte hpe shamyit kau u law.

Jinghpaw Hanson Version Bible

¹² Na a chyeju hte, ngai hpe gumlau ai ni hpe atsai awai di mu: Na a mayam wa ngai rai nga nngai majaw, Nye a myit masin hpe zingri ya ai ni nlang hte hpe, jahten kau mu.

SHAKAWN KUNGDAWN 143:12 ပူးပေါင်းရင်းမြစ်များ

SHAKAWN KUNGDAWN 116:16

Madu e, ngai gaw na a shangun ma wa rai nga nngai; nye nu galaw daw ai zawn ngai nang hpe daw jau nga na nngai. Nang ngai hpe si ai kaw na hkye hkrang la nit dai.

SHAKAWN KUNGDAWN 119:94

Ngai gaw na a rai nga nngai, ngai hpe hkye hkrang la e! Ngai gaw na a hkang da ai ga ni hpe madat mara hkan sa na matu, shakut shaja ni ai.

SHAKAWN KUNGDAWN 52:5

Dai majaw, Karai Kasang gaw nang hpe htani htana jahten sharun kau na ra ai; shi gaw nang hpe na a nta kaw nna gang gare la na ra ai. Shi nang hpe asak hkrung nga ai ni shanu nga ai mungkan ga kaw nna la kau na ra ai.

SHAKAWN KUNGDAWN 54:5

Nye a gumlau hpyen ni hpe ari jaw na matu Karai Kasang gaw shanhte a n hkru ai hpe bai tai u ga; shi gaw sadi sahka myit rawng nga ai majaw, shanhte hpe shi shamyit kau na ra ai.

SHAKAWN KUNGDAWN 54:7

Nye a ru tsang lam yawng kaw na, nang ngai hpe mawai la nga nit dai, nye a gumlau hpyen ni sum mat ai hpe ngai mu se ai.

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

1 SAMUELA 25:29

Nang hpe htim gasat ai hte sat kau na matu shakut ai wa nga dam ti mung, masha gaw manu dan ai sut rai hpe makawp da ai zawn dai Madu na a Karai Kasang mung nang hpe shim hkra makawp da na ra ai. Na a gumlau hpyen ni hpe chyawm gaw, masha wa e shi a lahpaw hte nlung shinggyin ni hte gap kau ai zawn shi shanhte hpe kabai kau na ra ai.

1 SAMUELA 26:10

Dawi gaw, “Dai Madu ahkrung nga ai hte maren, dai Madu nan Shawlu hpe sat kau na ra ai; shing n rai shi a aten du jang, shingra htung hte maren si na ra ai, shing n rai, majan hta si mat na ra ai.