SHAKAWN KUNGDAWN 143:11 - Jinghpaw Common Language Bible 2009

¹¹ Madu e, na a ga sadi hte maren, ngai hpe mawai la e; na a mai kaja ai lam hta nye a ru tsang kaw na ngai hpe hkye hkrang la e!

Jinghpaw Hanson Version Bible

¹¹ Yehowa e, na a amying nsang a matu mara ngai hpe shalan shabran ya e; Na a dinghpring ai majaw, ru tsang ai hta na, nye a myit masin hpe shaw la ya e.

SHAKAWN KUNGDAWN 143:11 ပူးပေါင်းရင်းမြစ်များ

SHAKAWN KUNGDAWN 119:107

Madu e, ngai hkrum sha nga ai nni nkri ni gaw teng teng hkrithpa wa rai nga li ai; na a ga sadi hte maren, ngai hpe asak jahkrung tawn e.

SHAKAWN KUNGDAWN 119:25

Ngai gaw sum kadawng mat nna, ga nhpu hta galeng taw mat ni ai; na a ga sadi hte maren, ngai hpe n-gun nnan jaw ya nna bai sharawt la e.

SHAKAWN KUNGDAWN 119:37

Kaman lila hpe myit manoi nga ai kaw nna ngai hpe shatsan kau ya e; na a ga sadi nga ai hte maren, mai kaja ai lam, ngai hpe madun dan e.

SHAKAWN KUNGDAWN 119:40

Ngai gaw na a hkang da ai tara ni hpe madat mara mayu nga nngai; nang ding hpring nga ndai majaw, ngai hpe asak ningnan jaw ya e.

SHAKAWN KUNGDAWN 119:88

Na a dinggrin tsaw ra myit a majaw ngai hpe mai kaja ai lam madun dan e; shing rai, na a tara ni hpe ngai madat mara hkan sa lu n ga.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 143:1

Madu e, nye a akyu hpyi ai ga hpe na ya e! Na a ding man ai lam hta, nye a hpyi nem ai ga hpe madat ya e; na a sadi sahka hte ngai hpe htan ya e!

SHAKAWN KUNGDAWN 25:11

Madu e, na a ga sadi hpe shadik shatup nga u, nye a yubak ni hpe mung raw dat kau ya e; kaning rai nme law, dai hte gaw law la nga ai.

SHAKAWN KUNGDAWN 25:17

Nye a myit ru myit tsang ai lam ni hpe hkyamsa jaw ya e, ru tsang lam yawng mayawng kaw na ngai hpe hkye hkrang la e law.

SHAKAWN KUNGDAWN 31:1

Madu e, makawp maga la na matu, nang kaw ngai du sa nngai. Ngai hpe galoi mung asum hkum hkrum shangun nga et. Ngai hpe hkye hkrang la e, ngai hpyi nngai!

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 71:2

Nang gaw ding hpring nga ndai majaw, ngai hpe karum la ai hte mawai la e. Ngai hpyi nem ai ga hpe madat ya ai hte ngai hpe hkye hkrang la e!

SHAKAWN KUNGDAWN 85:6

Anhte hpe n-gun atsam kalang mi bai shaja ya mi: shing rai, anhte, na a amyu masha ni nang hpe shakawn nga na ga ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.