SHAKAWN KUNGDAWN 143:10 - Jinghpaw Common Language Bible 2009

¹⁰ Nang gaw nye a Karai Kasang rai nga ndai, na a myit ra ai hku, galaw lu na matu ngai hpe sharin ya e. Mai kaja ai lam madun ya nna, shim ai hkrun lam hta woi lakawn wa ya rit.

Jinghpaw Hanson Version Bible

¹⁰ Nye a Karai Kasang nang rai nga ndai majaw, Na a myit hkan nang na, ngai hpe sharin ya e. Na a mai kaja ai Wenyi gaw, Ngwipyaw ai mung de ngai hpe woi wa u ga.

SHAKAWN KUNGDAWN 143:10 ပူးပေါင်းရင်းမြစ်များ

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

SHAKAWN KUNGDAWN 118:28

Nang gaw nye a Karai Kasang rai nga ndai ngai nang hpe chyeju shakawn nga na nngai; na a galu kaba ai lam hpe ngai htawn tsun nga na nngai.

SHAKAWN KUNGDAWN 119:12

Madu e, ngai nang hpe shakawn nga nngai; na a lam ni, ngai hpe sharin ya e.

SHAKAWN KUNGDAWN 119:35

Na a hkang da ai tara ni hta, kabu gara ai lam hpe ngai mu nngai majaw, dai ga matsun ni hpe chye madat mara nga shangun rit.

SHAKAWN KUNGDAWN 139:24

Nye a myit masin hta n hkru ai lam lama rawng nga ai rai yang, dai ni hpe sawk yu u; htani htana agrin nga ai lam de, ngai hpe woi wa e law.

SHAKAWN KUNGDAWN 140:6

Ngai gaw Madu hpe, “Nang gaw nye a Karai Kasang rai nga ndai,” ngu nna tsun nngai; Madu e, karum la na matu, nye a hpyi jahtau ai nsen hpe na ya e!

SHAKAWN KUNGDAWN 22:1

Nye a Karai Kasang e, nye a Karai Kasang e, nang hpa rai ngai hpe kau da nga n ta? Karum la na matu, myit chyum myit htum hte ngai hpyi jahtau ni ai, rai ti mung, ya du hkra, dai lam n du nga ai.

SHAKAWN KUNGDAWN 23:3

Shi gaw ngai hpe n-gun atsam ningnan jaw ya nga ai. Shi ga sadi jaw da sai hte maren, ding man ai lam ni hta shi ngai hpe lakawn wa nga ai.

SHAKAWN KUNGDAWN 25:12

Madu hpe madat mara ai ni gaw shanhte hkan sa ra ai lam ni hpe shi kaw nna sharin la na mara ai.

SHAKAWN KUNGDAWN 27:11

Madu e, nang ngai hpe hpa galaw shangun mayu ai lam ngai hpe sharin ya e, Ngai gaw gumlau hpyen law law lu nga nngai majaw, shim ai lam dingyang hta ngai hpe woi lakawn wa rit.

SHAKAWN KUNGDAWN 31:14

Rai ti mung, O Madu e, nye a kam hpa ai gaw nang hta nga nga li ai; Nang gaw nye a Karai Kasang rai nga ndai.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 63:14

Ga sau kaja ai kadit de dumsu ni yu wa ai zawn, dai Madu gaw shi a amyu masha ni hpe bansa lam jaw nga ai. Shi gaw shi a amyu masha ni hpe lam woi nna shi a mying hpe shagrau shatsaw nu ai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

BU HKAWM 9:22

Bai lahkawng ya, shata mi, laning mi shing n rai dai hta grau na hkra dai sumwi Sum ntsa e dung nga dingsa shanhte bu n hkawm ma ti mung dai sumwi dawm mat jang shanhte hkawm ma ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 15:30

Ya hpu nau ni e, Yesu Hkristu hpe anhte kam sham ai a marang e mung, dai Wenyi e jaw ai tsaw ra myit a marang e mung, nye a matu mara ngai hte rau Karai Kasang kaw myit sharawng awng ai hte akyu hpyi nga na nanhte hpe ngai shadut jahkat made ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

ROMA 8:26

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

2 TIMOHTI 1:7

Hpa majaw nga yang, Karai Kasang anhte hpe jaw ai Wenyi e, anhte hpe hkrit agam ai myit jaw mi ai n rai; Dai Madu a Wenyi gaw anhte hpe n-gun atsam, tsaw ra myit hte tinang hkum hpe hkang la lu ai myit she jaw mi ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

1 YAWHAN 2:27

Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.