SHAKAWN KUNGDAWN 142:3 - Jinghpaw Common Language Bible 2009

³ Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

Jinghpaw Hanson Version Bible

³ Nye a wenyi gawng run nga ai shaloi e, Nang nye a lam hpe chye nga ndai; Ngai sa wa ai hku hta e, shanhte mahkam up da mu ai.

SHAKAWN KUNGDAWN 142:3 ပူးပေါင်းရင်းမြစ်များ

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 102:1

O Madu e, nye a akyu hpyi ga hpe madat ya e; karum la na matu, nye a hpyi jahtau ai nsen hpe na ya e!

SHAKAWN KUNGDAWN 102:4

Ngai gaw tsingdu jahkraw zawn kabye dip da ai hkrum nna; lusha sha mayu ai myit pyi n rawng mat nga li ai.

SHAKAWN KUNGDAWN 140:5

Gumrawng gumtawng ai masha ni nye a matu mahkam hkam da nga masai; shanhte ngai hpe rim la na matu, lam e sumgawn nep da nna, mahkam galaw da nga masai.

SHAKAWN KUNGDAWN 141:9

Nye a matu, shanhte hkam da ai mahkam kaw na mung, n hkru ai amu galaw ai ni a mahkam kaw na mung, ngai hpe makawp maga la e.

SHAKAWN KUNGDAWN 143:4

Dai majaw, ngai asum jaw kau na matu, jin jin rai nga nngai; myit chyum myit htum, mung hkrum sha nga nngai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

SHAKAWN KUNGDAWN 31:4

Nye a matu galaw da sai mahkam kaw na ngai hpe shalawt la e law; hkrithpa shara kaw na mung, ngai hpe makawp maga la e.

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

SHAKAWN KUNGDAWN 61:2

Dum nta hte tsan gang nna myit htum nga yang, ngai nang hpe shaga nngai!

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

SHAKAWN KUNGDAWN 77:3

Ngai Karai Kasang a lam hpe myit yu ai shaloi, nsa kaba shaw nngai; ngai myit aru yu ai shaloi, myit ru myit yak ai lam hpe ngai hkam sha nga nngai.

YEREMIA 18:22

Sadi jaw ai lam n nga ai sha, shanhte a dum nta ni hpe hpya ayai kau ya na matu tara n lang ai masha u hpung mi hpe shangun dat u; shanhte hpe hkrit kajawng ai hte hkrap shabam shangun u. Shanhte gaw ngai hpe rim na matu mahkam hkam ai hte ngai di hkrat bang na nye a matu nhkun htu da manu ai.

SHARUNG SHAYAWT 2:19

Shana tup lang hte lang rawt nna Madu hpe hpyi jahtau u; Na a myit masin hpe ru shapraw dat nhtawm lam jut shara shagu hkan e si na daram Kawsi kyet nga ai ma kaji ni hpe matsan dum la na matu, shi hpe hpyi nem u!

MAHTE 22:15

Hparishe ni pru mat wa nna Yesu hpe mara shagun lu hkra gara hku ga san ni san na lam bawng ban ma ai.