SHAKAWN KUNGDAWN 141:4 - Jinghpaw Common Language Bible 2009

⁴ Shut hpyit amu galaw mayu ai kaw na mung, n hkru ai masha ni a tara n lang ai amu hta shang lawm nga ai kaw nna mung, ngai hpe shatsan shagang kau ya e. Shanhte a lusha poi ni hta ngai galoi mung n shang lawm nga u ga.

Jinghpaw Hanson Version Bible

⁴ Nye a myit n shawp ai amu n maw u ga; Kaman lila galaw ai masha ni hte rau, Tara n hkan ai bungli ngai mung n galaw n ga; Shanhte a reng ai shat hpe, ngai n sha lawm n ga.

SHAKAWN KUNGDAWN 141:4 ပူးပေါင်းရင်းမြစ်များ

NINGPAWT NINGHPANG 27:14

Dai majaw dai ni hpe shi sa la wa nna kanu kaw dun wa ya wu ai; kanu mung shi a kawa sha ra ai hku shan shat mai shadu wu ai.

1 HKAWHKAM 13:8

Dai myihtoi wa mung, “Na a sut gan ka-ang hkup mi ngai hpe jaw tim pyi nang hte rau lu rau sha na matu, ngai nang kaw n hkan nang lu na nngai.

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

1 HKAWHKAM 8:58

Anhte a jiwa ni hpe shi jaw ya sai tara ni yawng hte hkang da ai ga ni hpe shatup nna anhte hpe shi a ga madat mara shangun mi ai shaloi, anhte hkrung nga na hpe shi ra sharawng nga ai hte maren, anhte tut nawng ahkrung nga lu na ga ai.

SHAKAWN KUNGDAWN 119:36

Sut su ngamu ngamai wa na hta, na a tara ni hpe madat mara hkan sa na hpe grau ra sharawng ai myit ngai hpe jaw bang ya e.

SHAKAWN KUNGDAWN 28:3

Tara n lang ai ni hte mung, n hkru ai amu galaw ai ni hte mung, masha a n-gup aga ni gaw jinghku zawn hku hkau nga ti mung, shanhte a myit masin ni hta n ju n dawng ai myit rawng nga sai ni hte rau ngai hpe hkum daw dan et.

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

TARA JAHPRANG 29:4

Rai ti mung dai ni du hkra nanhte hkrum hkra yu manit dai, dai mahkrum madup nanhte hpe chye na hkawn hkrang shangun ai n rai.

YAKU 1:13

Masha langai mi dai zawn re ai agung alau ni hkrum wa yang, “Karai Kasang ngai hpe gunglau nga ai,” ngu nna tsun lu na n rai. Hpa majaw nga yang, dai n hkru n kaja ai gaw Karai Kasang hpe gunglau lu ai n rai; hpa majaw nga yang shi hkum nan kadai hpe mung gung lau jahkrum nga ai n rai.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!