SHAKAWN KUNGDAWN 141:2 - Jinghpaw Common Language Bible 2009

² Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

Jinghpaw Hanson Version Bible

² Ngai akyu hpyi ai ga, na a man e, manam pyaw ai baw zawn, Ngai lata ladawn ai gaw, shana na hkungga zawn, rai nga u ga.

SHAKAWN KUNGDAWN 141:2 ပူးပေါင်းရင်းမြစ်များ

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

EZRA 9:4

Bawng dung ai kaw nna bai nhtang wa sai ni hpe yubak hte seng nna Israela a Karai Kasang tsun nu ai ga hpe hkrit kahpra nga ma ai majaw, nye a grup grup de sa shinggyin hpawng nga ma ai rai nna shagu hkungga nat nawng na shana de du hkra, dai yang e yawn let ngai dung nga nngai.

SHAKAWN KUNGDAWN 134:2

Nanhte a lata ni hpe sharawt nna Nawku Htingnu kata hta akyu hpyi mu, dai Madu hpe shakawn mu!

SHAKAWN KUNGDAWN 28:2

Karum la na matu ngai nang hpe hpyi jahtau ai hte na a chyoi pra ai Htingnu maga de nye a lata ni hpe sharawt tawn ai shaloi, ngai hpyi ai nsen hpe na ya e.

SHAKAWN KUNGDAWN 5:3

nang gaw jahpawt manap aten hta nye a nsen hpe na ya nga ndai; jan pru wa yang mung nye a akyu hpyi ga hpe ngai sak jaw nna, na a mahtai hpe ala nga nngai.

SHAKAWN KUNGDAWN 63:4

Ngai asak hkrung nga dingsa nang hpe chyeju dum nga na nngai; nang kaw akyu hpyi ai shaloi, nye a lata ni hpe sharawt da na nngai.

PRU MAT 29:39

Dai hpe jahpawt e langai mi, shana de langai mi nawng jau na rai nga ai.

PRU MAT 35:15

manam pyaw ai baw nat nawng na tawn hkungri hte de a kandang ni, chya na namman sau, manam pyaw ai baw, Sum a shang wa chyinghka grang;

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

Daniela 9:21

Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

BU HKAWM 16:35

Dai hpang dai Madu gaw wan shachyi dat nna manam pyaw ai baw hpe nawng jau ai masha 250 hte hpe hkru kau nga ai.

KASA 3:1

Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.