SHAKAWN KUNGDAWN 140:7 - Jinghpaw Common Language Bible 2009

⁷ Nye a Grau Htum Ai Madu Chyahtum Chyalai n-gun hte hpring nga nna, ngai hpe makawp maga ai Madu e, nang gaw ngai hpe majan pa hta makawp maga ya nit dai.

Jinghpaw Hanson Version Bible

⁷ Dai Madu Yehowa gaw, ngai hpe hkye hkrang la ai n-gun rai nga ai; Hpyen palawng bu hpun ai shani e, nang nye a baw hpe magap da ya ndai.

SHAKAWN KUNGDAWN 140:7 ပူးပေါင်းရင်းမြစ်များ

2 SAMUELA 8:14

Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

2 SAMUELA 8:6

Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

SHAKAWN KUNGDAWN 144:10

Nang gaw hkawhkam ni hpe awng padang jaw ya nga ndai hte; na a shangun ma wa Dawi hpe mawai la nit dai.

SHAKAWN KUNGDAWN 18:35

Madu e, nang gaw ngai hpe makawp maga ai hte hkye hkrang la nga ndai; na a n-gaw nwai ai myit gaw ngai hpe galu kaba shangun nga ai, na a daru magam n-gun gaw ngai hpe shim lum shangun nga ai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 31:15

Ngai gaw tut nawng e, na a lata hta rai nga nngai, ngai hpe zingri zingrat nga ai ni hte nye a gumlau hpyen ni a lata kaw na ngai hpe hkye hkrang la e.

SHAKAWN KUNGDAWN 59:17

Ngai hpe makawp maga ai wa e, ngai nang hpe shakawn nga na nngai; Karai Kasang gaw nye a shingbyi shara rai nga ai, ngai hpe tsaw ra ai Karai Kasang mung rai nga ai.

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 62:7

Nye a hkye hkrang la ai lam hte arawng sadang gaw Karai Kasang hta rai nga ai; shi gaw n-gun ja ai hte ngai hpe makawp maga ai wa rai nga ai, nye a shingbyi shara mung rai nga ai.

SHAKAWN KUNGDAWN 89:26

Shi gaw ngai hpe, ‘Nang gaw nye a kawa hte nye a Karai Kasang rai nga ndai, nang gaw ngai hpe makawp maga nga ai wa hte ngai hpe hkye hkrang la ai Madu rai nga ai,’ nga nna tsun na ra ai.

SHAKAWN KUNGDAWN 95:1

Wa marit, Madu hpe anhte shakawn ga! Anhte hpe makawp maga ai Karai Kasang hpe kabu gara mahkawn shakawn ga!

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.