SHAKAWN KUNGDAWN 140:6 - Jinghpaw Common Language Bible 2009

⁶ Ngai gaw Madu hpe, “Nang gaw nye a Karai Kasang rai nga ndai,” ngu nna tsun nngai; Madu e, karum la na matu, nye a hpyi jahtau ai nsen hpe na ya e!

Jinghpaw Hanson Version Bible

⁶ Ngai gaw, Nye a Karai Wa nang rai nga ndai; Yehowa e, ngai akyu hpyi ai nsen madat ya e, nga nna, Yehowa hpe ngai tsun nga nngai.

SHAKAWN KUNGDAWN 140:6 ပူးပေါင်းရင်းမြစ်များ

SHAKAWN KUNGDAWN 116:1

Dai Madu gaw nye a nsen hpe na ya ai majaw, ngai shi hpe tsaw ra nga nngai; shi nye a akyu hpyi ai ga ni hpe madat ya nga ai.

SHAKAWN KUNGDAWN 119:57

Madu e, ngai ra sharawng ai lam yawng mayawng gaw nang rai nga ndai; na a tara ni hpe madat mara hkan sa lu na matu, ngai ga sadi jaw nga nngai.

SHAKAWN KUNGDAWN 130:2

Madu e, nye a hpyi jahtau ai nsen hpe na ya e; karum la na matu, nye a hpyi shaga ai nsen hpe madat ya e.

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

SHAKAWN KUNGDAWN 143:1

Madu e, nye a akyu hpyi ai ga hpe na ya e! Na a ding man ai lam hta, nye a hpyi nem ai ga hpe madat ya e; na a sadi sahka hte ngai hpe htan ya e!

SHAKAWN KUNGDAWN 16:2

“Nang gaw nye a Madu rai nga ndai; mai kaja ai arai yawng mayawng gaw nang kaw na hkrai rai nga ai,” ngu nna Madu hpe ngai tsun nga nngai.

SHAKAWN KUNGDAWN 31:14

Rai ti mung, O Madu e, nye a kam hpa ai gaw nang hta nga nga li ai; Nang gaw nye a Karai Kasang rai nga ndai.

SHAKAWN KUNGDAWN 57:7

Karai Kasang e, ngai tsep kawp kam hpa nga nngai; ngai nang hpe mahkawn mangoi hte shakawn na nngai!

SHAKAWN KUNGDAWN 64:1

Karai Kasang e, ngai ru tsang hkrum nga nngai, nye a akyu hpyi ga hpe madat ya e! Nye a gumlau hpyen ni hpe ngai hkrit nga nngai, nye a asak hpe hkye hkrang la ya e!

SHAKAWN KUNGDAWN 91:2

“Nang gaw nye a dahpran shara hte ngai hpe makawp maga ai wa rai nga ndai; nang gaw nye a Karai Kasang rai nga ndai, nang hta ngai kam hpa nga nngai,” nga nna shi hpe tsun lu nga ai.

YEREMIA 18:22

Sadi jaw ai lam n nga ai sha, shanhte a dum nta ni hpe hpya ayai kau ya na matu tara n lang ai masha u hpung mi hpe shangun dat u; shanhte hpe hkrit kajawng ai hte hkrap shabam shangun u. Shanhte gaw ngai hpe rim na matu mahkam hkam ai hte ngai di hkrat bang na nye a matu nhkun htu da manu ai.

SHARUNG SHAYAWT 3:24

Ngai lu ai arai yawng mayawng dai Madu rai nga ai, dai rai nna shi hpe ngai myit mada nngai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.