SHAKAWN KUNGDAWN 140:5 - Jinghpaw Common Language Bible 2009

⁵ Gumrawng gumtawng ai masha ni nye a matu mahkam hkam da nga masai; shanhte ngai hpe rim la na matu, lam e sumgawn nep da nna, mahkam galaw da nga masai.

Jinghpaw Hanson Version Bible

⁵ Gumrawng ai ni nye a matu mahkam hte sumri up da nna, Nye a lam e, sumgawn nep da mu ai: Nye a matu ndaw mung jun da mu ai. [Selah.]

SHAKAWN KUNGDAWN 140:5 ပူးပေါင်းရင်းမြစ်များ

YOBA 18:9

dai mahkam gaw shanhte a lahtin hpe ahkang ya nna magra jum da lu nga ai.

SHAKAWN KUNGDAWN 119:110

Tara n lang ai masha ni nye a matu mahkam hkam da nga ma ti mung, na a hkang da ai tara ni hpe ngai madat mara hkan sa nga nngai.

SHAKAWN KUNGDAWN 119:69

Gumrawng gumtawng ai ni nye a lam hpe masu magaw ga ni hte tsun shatan nga ma ti mung; nye a myit masin mahkra hte na a ga matsun ni hpe ngai madat mara hkan sa nga nngai.

SHAKAWN KUNGDAWN 119:85

Na a tara hpe hkan sa na matu lale ai gumrawng gumtawng masha ni ngai hpe mahkam hkam na matu, nhkun htu da nga masai.

SHAKAWN KUNGDAWN 142:3

Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 31:4

Nye a matu galaw da sai mahkam kaw na ngai hpe shalawt la e law; hkrithpa shara kaw na mung, ngai hpe makawp maga la e.

SHAKAWN KUNGDAWN 35:7

Hpa mung n ra ra re ai kaw, shanhte gaw nye a matu mahkam hkam da ma ai, ngai hpe rim bang na matu sung ai nhkun langai mi htu da nga ma ai.

SHAKAWN KUNGDAWN 36:11

Gumrawng gumtawng ai masha ni ngai hpe hkum gasat shangun et, n hkru n shawp ai masha ni mung ngai hpe hkum jahtaw kau shangun et.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 57:6

Nye a gumlau hpyen ni ngai hpe rim na matu nye a lam e, sumgawn jahkrat da nga ma ai; ngai gaw myit ru myit tsang hkrum nga nngai. Nye a lam hta shanhte nhkun htu tawn ma ai, rai tim shanhte mahtang dai kaw di hkrat bang ma ai.

GA SHAGAWP 24:15

Tara malang ai masha wa hpe hpya kau nna, shi a nta hpe kashun la kau ya na matu maw mawn ai, dai tara n lang ai masha wa zawn, hkum rai nga et.

GA SHAGAWP 29:5

Na a manang ni hpe nang abawk ai rai yang, na a matu, nang mahkam hkam la nga ndai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

YEREMIA 18:20

Mai kaja ai lam hpe n hkru n kaja ai hte htang mai nga a ni? Shanhte mahtang ngai di hkrat bang na nye a matu nhkun htu manu ai. Shanhte hpe nang sindawng kahtet mat hkra, shanhte a malai ngai nang kaw kaning rai du sa ai hte tsun shaga ai ga ni hpe adum nga u.

YEREMIA 18:22

Sadi jaw ai lam n nga ai sha, shanhte a dum nta ni hpe hpya ayai kau ya na matu tara n lang ai masha u hpung mi hpe shangun dat u; shanhte hpe hkrit kajawng ai hte hkrap shabam shangun u. Shanhte gaw ngai hpe rim na matu mahkam hkam ai hte ngai di hkrat bang na nye a matu nhkun htu da manu ai.