SHAKAWN KUNGDAWN 140:3 - Jinghpaw Common Language Bible 2009

³ Shanhte a shinglet ni gaw gung rawng ai lapu zawn rai nga nna, shanhte tsun shaga ai ga ni mung pu mawp a atuk zawn rai ma ai.

Jinghpaw Hanson Version Bible

³ Shanhte gaw lapu zawn tinang a shinglet hpe mayoi da nna, Pu htum a tuk shanhte a nten npu e rawng nga ai. [Selah.]

SHAKAWN KUNGDAWN 140:3 ပူးပေါင်းရင်းမြစ်များ

NINGPAWT NINGHPANG 3:13

Dai Madu Karai Kasang gaw, “Nang hpa majaw ndai amu hpe galaw kau nu ni?,” ngu nna numsha hpe san wu ai. Shi gaw, “Dai namsi hpe sha na matu, lapu mahtang ngai hpe lau la ni ai,” ngu nna htan wu ai.

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

SHAKAWN KUNGDAWN 58:4

Lapu ni zawn, shanhte hta mung atuk hpring hkra rawng nga ma ai; na n na ai pu htum zawn shanhte a na ni hpe pat da ma ai.

SHAKAWN KUNGDAWN 59:7

Shanhte a n kaw n law re ai hte jahkrit shama ai ga ni hpe madat ya u; shanhte a n-gup kata na shinglet ni gaw nhtu zawn dai nga ma ai; shanhte tsun shaga ai ga hpe kadai mung n na ma ai nga nna shanhte myit nawn da ma ai.

GA SHAGAWP 12:18

Majoi mi baw law ai ga gaw sung hkra galun ai nhtu nma zawn jahpye ya lu ti mung; hpaji ga hte tsun shaga ai ga chyawm gaw shamai shatsai ya lu nga ai.

GA SHAGAWP 23:32

Hpang jahpawt du jang, atuk rawng ai lapu e achye kau ai zawn nang hkam sha na ra ai.

GA SHAGAWP 6:14

Shanhte a n gring ai myit masin ni hta n hkru ai lam hkrai maw mawn nna ru yak tsin-yam hpe shara shagu hkan e, shalut kabrawng ya nga ma ai.

ESAIA 59:13

Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

YEREMIA 9:5

Shanhte yawng gaw shanhte a manang ni hpe lam woi shadam ma ai, kadai mung teng man ai ga n tsun ma ai; shanhte gaw shanhte a shinglet ni hpe masu ga tsun na matu sharin ya manu ai, shanhte gaw yubak galaw ai amu hpe kau da na ma ai n rai. Shanhte gaw kashun kashe du daw sai hkaw amu hpe langai hpang langai galaw ma ai, masu hkalem ai amu langai hpang langai galaw ma ai. Dai Madu gaw shi a amyu masha ni shi hpe ningdang kau nga ai ngu tsun ai.

SHARUNG SHAYAWT 3:62

Shanhte gaw shani tup ngai hpe shatan nhkan ga tsun nna n hkru ai hku maw mawn nga ma ai.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.