SHAKAWN KUNGDAWN 140:13 - Jinghpaw Common Language Bible 2009

¹³ Ding hpring ai masha ni nang hpe teng teng shakawn kungdawn wa na mara ai; shanhte gaw na a man e, shanu nga lu na mara ai.

Jinghpaw Hanson Version Bible

¹³ Gaja wa, dinghpring ai ni, na a amying hpe, shakawn na mara ai; Myit malang ai ni, na a man e anga nga lu na mara ai law.

SHAKAWN KUNGDAWN 140:13 ပူးပေါင်းရင်းမြစ်များ

YOBA 36:6

Shi gaw yubak kap ai ni hpe asak hkrung nga shangun ai n rai; shi gaw matsan mayan masha ni hpe teng man ai hku tut nawng daw dan ya nga ai.

SHAKAWN KUNGDAWN 11:7

Dai Madu gaw ding hpring nga ai rai nna mai kaja ai magam amu ni hpe tsaw ra nga ai; dai hpe hkan galaw ai ni gaw shi a man e shanu nga lu na mara ai.

SHAKAWN KUNGDAWN 16:11

Nang gaw ngai hpe asak hkrung ai lam de woi sa ai lam madun dan na rai ndai; na hpung shingkang gaw ngai hpe kabu gara ai myit hte jahpring ya nna, sharawng awng ai lam htani htana jaw ya nga ai.

SHAKAWN KUNGDAWN 23:6

Na a mai kaja ai lam hte tsaw ra myit gaw nye a asak prat tup hta ngai hte rau nga nga na ra ai gaw ngai chye nga nngai, na a nta gaw prat dingsa na nye a shanu shara tai na ra ai.

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

SHAKAWN KUNGDAWN 97:12

Dai Madu galaw da ngut sai amu ni a majaw, ding hpring nga ai ni yawng hte e, kabu gara nga mu! Chyoi pra ai Karai Kasang galaw da nu ai amu ni hpe dum mu, shi hpe chyeju dum mu law.

GA SHAGAWP 22:23

Dai Madu gaw shanhte a amu hpe tsun karum ya na ra ai; shanhte a asak hpe jahkrit shama ai ni kadai hpe mung, shi sharim kau na ra ai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

YAWHAN 14:3

Shing rai ngai wa nna, nanhte a matu nga shara lajang da nhtawm, ngai nga ai shara e, nanhte mung nga lu hkra, ngai bai sa nna nanhte hpe ngai hpang de woi la na made ai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

1 HTESALONI 4:17

Dai hpang dai Madu hpe ka-ang ganghkau e hkrum na matu, dai aten hta anhte naw hkrung nga ai ni hpe si mat wa sai ni hte rau, sumwi ntsa de shalun la ai hkrum na raga ai. Shingrai anhte gaw galoi mung Madu hte rau anga nga na ga ai.