SHAKAWN KUNGDAWN 140:12 - Jinghpaw Common Language Bible 2009

¹² Madu e, nang gaw matsan mayan ni a akyu hte, ra kadawn nga ai ni a ahkaw ahkang hpe makawp maga ya nga ndai gaw, ngai chye nga nngai.

Jinghpaw Hanson Version Bible

¹² Nni nkri hkrum ai ni a jeyang na lam hte, Matsan mayan ni a tara dara ai lam hpe, Yehowa tawn da nga ai gaw, ngai chye nga nngai.

SHAKAWN KUNGDAWN 140:12 ပူးပေါင်းရင်းမြစ်များ

1 HKAWHKAM 8:45

shanhte a akyu hpyi ga ni hpe madat ya u. Sumsing lamu hta shanhte a hpyi nem ai ga hpe madat ya nhtawm shanhte hpe awng padang ninglaw jaw ya u.

1 HKAWHKAM 8:49

shanhte a akyu hpyi ga ni hpe madat mara ya u. Sumsing lamu na na a nta hta shanhte a hpyi nem ai ga hpe na ya ai hte shanhte hpe matsan dum la u law.

SHAKAWN KUNGDAWN 102:17

Shi gaw kabai kau da hkrum ai shi a amyu masha ni a nsen ni hpe na wa na ra ai; shanhte a akyu hpyi ga ni hpe madat ya na ra ai.

SHAKAWN KUNGDAWN 12:3

Madu e, abawk ai ga tsun ai shinglet ni hpe shazim kau u! “Anhte a n-gup ga ni hte anhte ra ai lam lu la ga ai, anhte hpa ra sharawng ai lam hpe tsun dan na ga ai hte langai mi mung anhte hpe jahkring da lu na n rai,” nga nna shakawng ai ga tsun ai n-gup ni hpe pat kau ya u.

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 72:4

Hkawhkam wa gaw matsan mayan masha ni hpe rap ra ai hku tara jeyang lu u ga; ra kadawn ai ni hpe mung karum ya lu u ga, shanhte hpe dip gamyet sha ai ni hpe dang kau lu u ga.

SHAKAWN KUNGDAWN 9:4

Nang gaw na a tara dara ai lam hta myit malang ai hte ding man ai wa rai nga ndai rai nna; ngai hpang maga de nang tara jeyang ya nit dai.

GA SHAGAWP 22:22

Nang dang di lu ai a majaw, matsan mayan masha wa hpe zai hku nna hkum dip sha nga et; tara rung hta garen gari nni nkri hkrum sha nga ai wa hpe zai hku nna hkum dip sha et.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.