SHAKAWN KUNGDAWN 14:4 - Jinghpaw Common Language Bible 2009

⁴ Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

Jinghpaw Hanson Version Bible

⁴ N hkru ai amu galaw ai hte, Nye a amyu masha ni hpe muk hpe zawn sha kau nna, Yehowa hpe n hpyi jahtau ai ni mahkra gaw Hpa mung n chye nga ma hka!

SHAKAWN KUNGDAWN 14:4 ပူးပေါင်းရင်းမြစ်များ

YOBA 21:15

Karai Kasang hpe daw jau shara n nga ai nga nna mung, shi kaw akyu hpyi yang hpa akyu n nga ai nga nna mung, shanhte myit nawn da mu ai.

YOBA 27:10

Shanhte jaw ya ai kabu pyaw lam hpe shanhte hkam la ang ma ai; shanhte gaw shi hta dinggrin akyu hpyi ang ma ai.

SHAKAWN KUNGDAWN 27:2

N hkru ai masha ni ngai hpe gasat ai hte sat kau na matu shakut ma ai shaloi shanhte gaw ahtu ai hte kadawng mat ma ai.

SHAKAWN KUNGDAWN 79:6

Nang hpe nawku daw jau ai lam n galaw ai ni, nang hpe akyu n hpyi ai masha amyu ni a ntsa e, na a masin kahtet ai lam, ru bun dat u.

SHAKAWN KUNGDAWN 82:5

“Nanhte gaw hpaji n chye nga myit hka! Kade sha angawk angak rai nga myit hka! Nanhte gaw tsep kawp hten run mat manit dai; teng man rap ra ai tara gaw ndai mungkan kaw na mat mat sai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

YEREMIA 10:25

Nang hpe n nawku ai hte nang hpe ningdang kau ai masha amyu baw ni a ntsa e, na a masin kahtet ai ru jaw bun u. Shanhte gaw na a amyu masha ni hpe sat kau manu ai; shanhte gaw anhte hpe atsai awai shamyit kau manu ai hte anhte a mungdan hpe jahten sharun kau da manu ai.

HOSEA 7:7

“Shanhte a pawt sindawng ai gaw kahtet kang nga ai rai nna, shanhte gaw shanhte a up hkang du ni hpe sat kau ma ai. Shanhte a hkawhkam ni langai hpang langai lagyim sat kau hkrum nga manu ai, rai ti mung kadai mung karum la na matu ngai kaw akyu n hpyi ma ai.”

AMO LAIKA (AMOS) 8:4

Ra kadawn ai ni hpe kabye dip ai hte mungdan na matsan mayan masha ni hpe jahten sharun shakut nga ai nanhte gaw ndai ga madat mu.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.