SHAKAWN KUNGDAWN 14:3 - Jinghpaw Common Language Bible 2009

³ Rai ti mung, shanhte yawng hte gaw shut hpyit ma masai; shanhte yawng hte wa, maren n kaja nga ma ai. Dai teng man ai amu galaw ai masha shanhte hta langai mi mung n nga nga ai, kaja wa, langai mi mung n nga nga ai.

Jinghpaw Hanson Version Bible

³ Yawng dam mat wa masai; Shanhte rau brun mat wa masai. Kadai mung kaja ai amu n galaw ma ai: Gaja wa, langai mi muk n nga ai.

SHAKAWN KUNGDAWN 14:3 ပူးပေါင်းရင်းမြစ်များ

NINGPAWT NINGHPANG 6:12

Karai Kasang gaw mungkan ga hpe mada yu wu yang, dai gaw n hkru n shawp ai amu hte hpring nga ai hpe mu wu ai; hpa majaw nga yang, shinggyim masha ni mahtang n hkru n shawp ai asak hkrun lam hta hkawm sa nga ma ai.

YOBA 14:4

Shinggyim masha ni zawn n san n seng ai arai hpa kaw na mung san seng ai arai shapraw ya lu ai n rai.

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

SHAKAWN KUNGDAWN 119:176

Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.

SHAKAWN KUNGDAWN 14:1

“Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

SHAKAWN KUNGDAWN 38:5

Ngai gaw angawk angak rai mat ni ai majaw, nye a nma ni yat nna manam hkying nga li ai.

SHAKAWN KUNGDAWN 58:3

N tara ai masha ni gaw shanhte a asak hkrun lam yawng hta shut hpyit ai hku hkawm sa nga ma ai; shanhte gaw shangai wa ai shani kaw nna masu magaw ai ga ni hpe tsun nga ma ai.

PRU MAT 12:30

Dai shana e, hkawhkam wa, shi a du salang ni, hte kaga Egutu masha ni yawng gaw yup hprang nga ma ai. Egutu mung ting hta ja ja jahtau hkrap nga ma ai, hpa majaw nga yang, shadang sha langai mi mung n si ai nta langai mi mung n nga nga ai.

PRU MAT 8:31

dai Madu hpe hpyi nem ya wu ai. Mawshe hpyi nem ya ai hte maren, dai Madu galaw wu ai. Dai rai nna hkawhkam wa kaw na mung, du salang ni kaw na mung, amyu masha ni kaw na mung, jinu langai mi pyi n nga mat hkra hkoi mat nga ai.

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

HPAJI NINGLI 7:29

Ngai gaw ndai lam yawng mayawng hpe sharin la ni ai; Karai Kasang gaw anhte hpe asan sha hpan da ti mung, anhte mahtang anhte a hkum hpe kashuk kashak shabyin nga ga ai.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

1 KORINHTU 6:5

Nanhte kaya myit ga she ndai lam ngai tsun nngai! Hkristan hpu nau shada amu rawng ai shaloi nanhte a kata hta tara jeyang daw dan ya lu ai hpaji byeng-ya rawng ai wa langai mi pyi n nga sani?

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

EHPESU 2:3

Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

TARA JAHPRANG 1:35

‘Ndai n hkru ai ban masha hta na nanhte langai mi mung nanhte a nji nwa ni hpe jaw na ngu ngai ga sadi tawn da ai dai ga sau kaja ai hte hpring nna ningru ningja ai mungdan de shang lu na myit dai n rai.