SHAKAWN KUNGDAWN 14:1 - Jinghpaw Common Language Bible 2009

¹ “Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

Jinghpaw Hanson Version Bible

¹ Mana ai wa gaw, “Karai Kasang n nga ai,” nga nna shi a kraw e a tsun nga ai. Shanhte tsam mat nga ma ai rai nna, Matsat shabat lailen hkan nang ma ai: Kadai mung kaja ai amu n galaw ma ai.

SHAKAWN KUNGDAWN 14:1 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

YOBA 22:13

Rai tim, nang mahtang, “Karai Kasang hpa chye a ta? Shi gaw sumwi hta makoi rawng nga ai majaw, anhte hpe shi kaning rai tara jeyang lu na rai ta?,” ngu nna san ndai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 107:17

Shanhte galaw ai yubak ni a majaw masha nkau mi angawk nga ma ai; shanhte galaw ai n hkru n hkra lam ni a majaw, nkau mi nchyi nmu hkrum sha nga ma ai.

SHAKAWN KUNGDAWN 53:1

“Karai Kasang n nga ai!,” nga nna angawk ai ni gaw shanhte a myit hta tsun nga ma ai. Shanhte yawng hte gaw tsam mat nga ma ai, hkrithpa amu ni hpe, shanhte galaw kau ma ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 92:6

Angawk ai masha wa n chye lu ai hte hpaji n rawng ai masha wa myit n hkawn lu ai lam baw mi nga nga ai.

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 1:7

Nang gaw machye machyang hpaji lu la na matu, shawng npawt e, dai Madu hpe hkrit hkungga ai myit rawng ra nga ndai. Angawk ai masha ni gaw hpaji byeng-ya a manu hpe n chye ma ai, dai hpe sharin la na matu ningdang kau ma ai.

GA SHAGAWP 13:19

Nang ra marit ai lam hpe hkam la lu ai gaw gade wa mai kaja nga a hka! Angawk ai masha ni gaw n hkru ai amu kaw nna kayin mat wa na matu, ningdang nga ma ai.

GA SHAGAWP 27:22

Angawk ai wa hpe si na daram nang gayat tim shi a angawk ai myit hpe nang gayat shapraw kau ya lu nga ai n rai.

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

YEREMIA 5:12

Dai Madu a amyu masha ni gaw shi hpe nyet kau ai hte, “Shi gaw teng teng hpa amu mung galaw na ra ai n rai. Anhte gaw laja lana re ai aten du na ra ai n rai; anhte kaw majan mung, hkuwa mung du wa na ra ai n rai,” ngu nna tsun ma ai.

YEREMIA 6:28

Shanhte yawng hte gaw hpri hte magri mang ja ai zawn, du ja ai gumle gumlau ni rai ma ai. Shanhte yawng hte gaw n san n seng nga ai hte shiga htawn, shatan hkawm ai ni rai ma ai.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

MAHTE 15:19

Hpa majaw nga yang, myit masin hta na masha sat na, num shaw na, n kaja ai arawn alai lam ni hkan galaw na, lagu na, n teng n man ai sakse hkam na ngu ai n hkru ai myit mang lam ni byin wa ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

1 SAMUELA 25:25

Chyeju hte Nabala hpe hpa mung hkum sawn la ya e; shi gaw hpa n hkaw ai wa rai nga ai! Shi gaw shi a mying hte shabung nna angawk ai wa she rai nga ai! Madu e, na a shangun ma ni du ai aten hta ngai dai yang e n nga nga nngai.