SHAKAWN KUNGDAWN 135:7 - Jinghpaw Common Language Bible 2009

⁷ Mungkan ga a jahtum shara kaw nna laru sumwi ni hpe shi sharawt dat nna; nbung laru a matu myi hprap wan gala ya ai hte shi a dum kata kaw nna, nbung hpe mung shapraw dat wu ai.

Jinghpaw Hanson Version Bible

⁷ Lamu ga ting na shi salu sharawt wu ai; Myihprap hpe marang a matu shatai wu ai, Shi a dum hta na, nbung hpe shapraw dat wu ai.

SHAKAWN KUNGDAWN 135:7 ပူးပေါင်းရင်းမြစ်များ

1 HKAWHKAM 18:1

Ya hkun hkraw ai masum ning hta dai Madu gaw Elia hpe, “Nang hkum nan Hkawhkam Ahab kaw sa du su; shaloi ngai marang jahtu dat na nngai,” ngu nna tsun wu ai.

YOBA 5:10

Shi gaw ga ntsa e marang jahtu ya nna yi hkauna ni hpe hka madit ya nga ai.

SHAKAWN KUNGDAWN 107:25

Shi hkang dat ai shaloi, nbung laru ru wa nna; hka leng ni rawt kabrawng wa nga ai.

SHAKAWN KUNGDAWN 78:26

Sinpraw nbung hpe mung shi bung shangun nna, shi a daru magam n-gun hte dingda nbung hpe kabrawng shangun nhtawm;

YEREMIA 10:13

Shi a hkang da ai mungga hta, sumsing lamu a lahta tsang hta nga ai hka hpung ni wu kadu nga ai; shi gaw ginding aga htum ai shara kaw na sumwi ni hpe shamawng dat nga ai. Shi gaw myihprap gala shangun ai hte marang jahtu shangun nna nbung hpe mung shi a dum kaw na shapraw dat wu ai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 51:16

Shi a hkang da ai ga a majaw, sumsing lamu ntsa na hka ni wu kadu wa nna, shi gaw mungkan ga htum kaw nna sumwi ni hpe shamawng dat wu ai. Shi gaw marang kata hta myihprap gala shangun nna, shi a dum kata kaw na nbung hpe shangun dat wu ai.

YONA 1:4

Rai ti mung dai Madu gaw ja la ai nbung shangun dat ai rai nna dai nbung laru gaw grai ja ai majaw sanghpaw li gaw agrawp mat na daram hkrit tsang ra nga ai.

ZEHKARIA 10:1

Marang shadoi htu ai aten e, marang htu na matu dai Madu kaw hpyi mu; Dai Madu gaw marang sumwi hte marang mahpawng jahtu dat nna, langai hte langai a matu yi hkauna ni hpe tsit lali shangun nga ai.

YAWHAN 3:8

Nbung gaw bung wa mayu ai de bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.