SHAKAWN KUNGDAWN 135:6 - Jinghpaw Common Language Bible 2009

⁶ Sumsing lamu hte ginding aga hta e mung, panglai ni hte sung la ai shara shagu hkan e mung, shi myit ai hte maren, galaw nga ai.

Jinghpaw Hanson Version Bible

⁶ Sumsing lamu hte ginding aga hta e, Nammukdara hte sung la ai shara shagu e, Yehowa hpa mung galaw mayu ai hte maren, galaw nga ai.

SHAKAWN KUNGDAWN 135:6 ပူးပေါင်းရင်းမြစ်များ

YOBA 42:2

Madu e, nang gaw daru magam n-gun yawng hte hpring ai wa rai nna; nang ra ai lam magup hpe nang galaw lu nga ndai gaw ngai chye nngai.

SHAKAWN KUNGDAWN 115:3

Anhte a Karai Kasang gaw sumsing lamu hta nga nga ai; shi ra ai hku hpa lam hpe mung shi galaw nga ai.

SHAKAWN KUNGDAWN 33:11

Rai ti mung, shi a yaw shada ai lam ni gaw htani htana agrin nga ai; shatawng shada ai lam ni mung prat dingsa anga nga ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

AMO LAIKA (AMOS) 9:6

Dai Madu gaw shi a nta hpe sumsing lamu ni hta gap da nna, ginding aga a ntsa e lamu madin tawn da nga ai. Shi gaw panglai hka ni hpe shaga dat nna dai ni hpe ginding aga ntsa de ru dat wu ai. Shi a mying shingteng gaw dai Madu rai nga a hka!

MAHTE 14:25

Jahpawt hkying masum hte kru lapran, Yesu gaw nawng ntsa e hkawm let, shanhte hpang de hkan sa nang wa ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.