SHAKAWN KUNGDAWN 135:21 - Jinghpaw Common Language Bible 2009

²¹ Ziun ntsa e mung, shi shanu nga ai Yerusalem hta mung, dai Madu hpe shakawn mu. Dai Madu hpe shakawn mu.

Jinghpaw Hanson Version Bible

²¹ Yerusalem mare hta e, dung nga ai Yehowa gaw, Ziun hta e, a nga u ga law! Halelu-Yah.

SHAKAWN KUNGDAWN 135:21 ပူးပေါင်းရင်းမြစ်များ

1 HKAWHKAM LABAU 23:25

Dawi gaw, “Dai Madu Israela a Karai Kasang gaw shi a amyu masha ni hpe ngwi pyaw sim sa ai lam jaw ya nu ai rai nna shi nan mung Yerusalem mare e htani htana anga nga na ra ai.

2 HKAWHKAM LABAU 6:6

Rai ti mung, ya chyawm gaw ngai nawku daw jau hkam na matu, Yerusalem hpe mung, nye a amyu masha ni hpe up hkang na matu nang Dawi hpe mung ngai lata la ni ai,” ngu nna tsun wu ai.

EZRA 7:16

Nang gaw Babelon mungdaw ting na lahkawn la lu ai aja, gumhpraw yawng hpe mung, Israela amyu masha ni hte Yerusalem mare na shanhte a Karai Kasang a Nawku Htingnu a matu shanhte a hkinjawng ni sak jaw ai hkungga kumhpa ni hpe mung la wa na rai ndai.

SHAKAWN KUNGDAWN 128:5

Dai Madu gaw nang hpe Ziun Bum kaw nna shaman ya nga u ga! Nang hkrung nga ai nhtoi yawng hte hta, Yerusalem a ngamu ngamai ai lam hpe mu lu n ga!

SHAKAWN KUNGDAWN 134:3

Sumsing lamu hte ginding aga hpe hpan tawn da ai dai Madu gaw Ziun Bum kaw nna nanhte hpe shaman ya nga u ga law!

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

SHAKAWN KUNGDAWN 48:3

Dai mare a hpyen dap kata ni hta shi hte rau shim lum nga ai hpe Karai Kasang madun dan nu ai.

SHAKAWN KUNGDAWN 48:9

O Karai Kasang e, na a Htingnu kata hta na a dinggrin tsaw ra myit a lam hpe anhte myit yu ga ai.

SHAKAWN KUNGDAWN 76:2

Shi gaw Yerusalem mare hpe shi a nta shatai nna, Ziun Bum ntsa hta e, shi shanu nga ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

BU HKAWM 23:21

Israela a du na ra ai aten e, shi hta n kaja ai lam hte Ru yak tsin-yam tsindam dingbai dingna hpa mung du shang wa na n rai nga ai hpe ngai tau chye da se ai. Dai Madu shanhte a Karai Kasang gaw shanhte hte rau rai nga ai; Shi gaw shanhte a Karai Kasang rai nga ai nga nna shanhte tsun garu ma ai.