SHAKAWN KUNGDAWN 132:7 - Jinghpaw Common Language Bible 2009

⁷ Anhte gaw, “Madu a nta de anhte sa wa ga; shi a tingnyang man e, anhte nawku daw jau ga,” ngu nna tsun saga ai.

Jinghpaw Hanson Version Bible

⁷ Shi a sumpan nta de, anhte shang nna, Shi a lagaw a kabye lahkum e, anhte nawku saga.

SHAKAWN KUNGDAWN 132:7 ပူးပေါင်းရင်းမြစ်များ

SHAKAWN KUNGDAWN 118:19

Nawku Htingnu chyinghka ni e, nye a matu hpaw malang nga u; ngai shang wa nna dai Madu hpe chyeju sa dum na nngai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 5:7

Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

SHAKAWN KUNGDAWN 99:5

Dai Madu anhte a Karai Kasang hpe shakawn kungdawn mu; shi a tingnyang man e, nawku daw jau mu! Shi gaw Chyoi Pra Ai Wa rai nga ai!

SHAKAWN KUNGDAWN 99:9

Dai Madu anhte a Karai Kasang hpe shakawn kungdawn mu; shi a chyoi pra ai bum hta nawku daw jau nga mu! Dai Madu anhte a Karai Kasang gaw chyoi pra nga ai.

ESAIA 2:3

shanhte a masha ni gaw, “Anhte dai Madu a bum a de, Israela a Karai Kasang a Nawku Htingnu nga ai shara de lung wa saga. Shi gaw anhte hpe shi galaw shangun mayu ai lam sharin ya na ra ai; anhte gaw shi lata da nu ai lam ni hta hkawm sa na ga ai. Dai Madu a sharin ai ga Yerusalem kaw nna pru nhtawm; shi gaw Ziun kaw nna shi a amyu masha ni hpe shaga nga ai.”

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.