SHAKAWN KUNGDAWN 132:2 - Jinghpaw Common Language Bible 2009

^2-5 Madu e, Dawi gaw, “Dai Madu a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

Jinghpaw Hanson Version Bible

² Shi gaw, “Yehowa a matu nga ai htingra, Yaku a hpung shingkang wa a matu nga ai nta, Ngai garai n mu lu lu gaw,

SHAKAWN KUNGDAWN 132:2 ပူးပေါင်းရင်းမြစ်များ

NINGPAWT NINGHPANG 49:24

Rai ti mung Chyahtum Chyalai N-gun rawng ai Yaku a Karai Kasang a daru magam n-gun hte, Sagu rem wa ngu ai Israela hpe makawp maga ai wa a majaw mung, Shi a ndan dingyang kaja nna, Shi a lahpum ni mung n-gun hte hpring nga ai.

2 SAMUELA 7:1

Dai Madu gaw shi a gumlau hpyen ni yawng a lata na shi hpe shim lum hkra bau sin nga ai rai nna shi a hkawhkam htingnu e Hkawhkam Dawi nga nga wu ai.

2 SAMUELA 7:2

Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

1 HKAWHKAM LABAU 28:2

Dawi gaw shanhte a man e sa tsap nhtawm ning ngu nna tsun wu ai: “Nye a mung masha ni e, nye a ga madat mu. Ga Shaka Sumpu htani htana shanu nga na nta hte dai Madu anhte a Karai Kasang a lagaw kabye lahkum hpe galaw na ngai ra sharawng nga nngai. Shi hpe shagrau sha-a na Nawku Htingnu langai gaw gap na matu ngai hkyen lajang da ni ai;

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 56:12

O Karai Kasang e, nang gaw ngai hpe Si Du a lata kaw nna hkrang shaw la nhtawm; sum mat ai kaw nna mung, ngai hpe makawp maga la nit dai majaw,

SHAKAWN KUNGDAWN 65:1

Karai Kasang e, nang anhte a akyu hpyi ga ni hpe htan ya mi ai majaw, Ziun ntsa e, anhte nang hpe shakawn ai lam gaw teng man nga ai; nang hpe jaw tawn ai ga sadi ni hpe mung anhte shadik shatup nga ga ai. Shanhte galaw shut kau ai yubak ni a majaw, shara shagu de na amyu masha ni, nang kaw du sa wa na mara ai. Anhte shut hpyit kau sai mara ni anhte hpe gamaw kau ti mung; nang gaw dai lam ni hpe mara dat ya nga ndai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 60:16

Masha amyu baw ni hte hkawhkam ni gaw Nang hpe kanu gaw shi a kasha hpe bau maka ai zawn lanu lahku na mara ai. Dai Madu ngai nan nang hpe hkye la ni ai lam hpe mung, Israela a chyahtum chyalai n-gun rawng ai Karai Kasang nang hpe shalawt dat ai lam hpe mung, nang chye wa na ndai.