SHAKAWN KUNGDAWN 132:11 - Jinghpaw Common Language Bible 2009

^11-12 Dai Madu gaw, “Ngai na a nsha ni hta na marai langai ngai hpe hkawhkam shatai na we ai, shi gaw na a hkang hta up hkang na ra ai. Lama rai nna, na a nsha ni nye a ga shaka hte shanhte hpe ngai jaw ai hkang da ai ga ni hpe, hkan sa nga ai rai yang chyawm gaw shanhte a kasha ni hpe mung, na a hkawhkam hkringhtawng hta prat dingsa hkawhkam tai lu na mara ai,” nga nna Dawi hpe nang dagam ga sadi tawn da nit dai hpe nang bai nhtang dawm kau na ndai n rai.

Jinghpaw Hanson Version Bible

¹¹ Yehowa gaw Dawi hpe teng teng dagam da nna, Dai hta na nhtang wa na n rai: Na a aru arat hpe tingnyang hta e, ngai shadun na nngai:

SHAKAWN KUNGDAWN 132:11 ပူးပေါင်းရင်းမြစ်များ

2 SAMUELA 7:12

Nang si mat nna na a nji nwa ni hte rau lup makoi kau ai hkrum jang, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

2 SAMUELA 7:14

Ngai gaw shi a kawa tai nna shi gaw nye a kasha rai na ra ai. Shi shut hpyit ai amu galaw yang, kawa gaw kasha hpe ari jaw ai zawn shi hpe ngai ari jaw na we ai.

2 SAMUELA 7:16

Na a amyu matu mara ni tut nawng anga nga na mara ai; na a mungdan hpe htani htana agrin nga shangun na nngai. Na a magam tingnyang gaw galoi mung htum mat na ra ai n rai,’” ngu nna tsun wu ai.

1 HKAWHKAM 1:48

nhtawm, “Dai ni nye a amyu matu na marai langai ngai hpe nye a magam tingnyang hta hkaw matut dung na hkawhkam hpe nye myi hte chyaw mu shangun ai dai Madu Israela a Karai Kasang hpe anhte shakawn kungdawn nga ga law!,’” ngu nna tsun wu ai.

1 HKAWHKAM 8:25

Ya chyawm gaw dai Madu Israela a Karai Kasang e, shi sadi sahka hte galaw ai zawn shanhte na a ga hpe madat mara hkan sa ai rai yang, Israela hpe up hkang na hkawhkam shi a amyu matu ni hta na langai mi teng teng paw pru wa na lam nang shi hpe tsun let nye wa hte ga sadi tawn da sai hpe mung nang shatup na rai ndai hpe ngai hpyi nga nngai.

2 HKAWHKAM LABAU 6:16

Ya chyawm gaw Madu Israela a Karai Kasang e, shi sadi sahka hte galaw ai amu a majaw shanhte na a ga hpe madat mara hkan sa ai rai nna Israela hpe up hkang na hkawhkam shi a amyu matu ni hta na langai mi tut nawng paw pru na lam, nang shi hpe tsun let, nye wa hte ga sadi tawn da sai hpe mung, nang shatup na rai nga ndai.

2 HKAWHKAM LABAU 7:18

Israela mung hpe shi a amyu matu ni tut nawng up nga na mara ai, ngu nna ngai shi hpe tsun ni ai hte maren, na nwa Dawi hte ngai tawn da ai ga sadi hpe ngai shatup na nngai.

SHAKAWN KUNGDAWN 110:4

“Nang gaw Melhkizedek a hkringhtawng lam hta na htani htana hte seng ai hkinjawng tai na rin dai,” nga nna Madu dagam da ai ga sadi rai nhtawm, dai ga sadi hpe bai nhtang dawm la kau na n rai.

SHAKAWN KUNGDAWN 89:33

Rai ti mung, Ngai gaw Dawi hpe tut nawng tsaw ra nga nna, shi tawn da ai nye a ga sadi hpe mung, ngai jahten sharun kau na n rai.

SHAKAWN KUNGDAWN 89:35

“Nye a chyoi pra ai mying nsang hta kalang ta ga sadi hpe ngai shagrin da se ai; ngai gaw Dawi hpe galoi mung masu na we ai n rai.

SHAKAWN KUNGDAWN 89:37

Lamu hta shata gaw grin ai sakse tai nga ai zawn, dai mungdan mung agrin nga na ra ai,” nga nna tsun ai.

SHAKAWN KUNGDAWN 89:5

Madu e, sumsing lamu ni gaw nang galaw ai mauhpa lam ni hpe mung, chyoi pra ai ni gaw na a sadi sahka lam hpe mung, mahkawn mangoi nga ma ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

LUKA 1:32

Dai wa gaw galu kaba wa na ra ai rai nna, Tsaw Htum ai wa a kasha ngu, shi hkam la la na ru ai; Madu Karai Kasang mung, shi kawa Dawi a tingnyang shi hpe jaw na wu ai.

KASA 2:30

Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw,

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

1 SAMUELA 15:29

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.