SHAKAWN KUNGDAWN 131:1 - Jinghpaw Common Language Bible 2009

¹ Madu e, ngai gaw nye a gumrawng gumtawng ai myit hpe kau da ni ai; nye a myit tsaw myit dap rawng ai akyang kaw nna mung kayin kau da ni ai. Ngai gaw kaba la ai amu ni hta na mung, nye a matu chye na na, nau wa yak la ai amu lamang ni hpe mung ngai myit n lawm nga nngai.

Jinghpaw Hanson Version Bible

¹ Yehowa e, nye a myit kaba nga ai n rai, nye a myi man mung dap nga ai n rai. Ngai hte n ging ai amu hpe ngai n bawng nna, Ngai hta grau ai mauhpa bungli ngai n tam nngai.

SHAKAWN KUNGDAWN 131:1 ပူးပေါင်းရင်းမြစ်များ

2 SAMUELA 6:22

ya na hta grau nna pyi, nye hkum hpe sari jahpoi kau na we ai. Ngai hpa n rai nga nngai ngu nna nang sawn la mai na ndai; rai ti mung dai numsha ni chyawm gaw ngai hpe shagrau shatsaw na she myit na mara ai.

YOBA 42:3

Ngai grai angawk angak nga nngai shaloi na a hpaji byeng-ya ga hpe ngai kaning rai san gwi na gaw nang san nga ndai. Ngai n chye na hkraw ai lam ni hte nye a matu chye na na nau galu kaba ai mauhpa lam ni hpe ngai tsun hkrup se ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 124:1

Lama wa, dai Madu anhte a hpang maga de n nga ai rai yang, hpa baw byin wa na rai nga ga ta? Israela amyu masha ni e, htan yu mu!

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

GA SHAGAWP 21:4

Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

YEREMIA 17:16

Rai ti mung, Madu e, ngai gaw shanhte a ntsa e tsin-yam tsindam du shangun na matu nang hpe galoi mung shadut yu ai n rai; shanhte a matu ru tsang hkrum ai nhtoi hpe ngai ra marit nngai n rai. Madu e, ndai lam nang chye nga ndai; ngai tsun sai ga ni hpe nang chye nga ndai.

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

ROMA 12:16

Shada da myit tsang hkat nga mu. Gumrawng gumtawng n re ai sha arawng n lu ai lit ni hpe hkap la gun hpai nga mu. Tinang hkum hpe hpaji rawng ai zawn hkum nawn nga myit

TARA JAHPRANG 17:20

Dai gaw shi hpe kaga Israela masha ni hta grau mai kaja nga ai hte dai Madu a hkang da ai ga hpe lam lama ma hku nna n hkan kau ai kaw na makawp maga ya na ra ai. Dai hpang shi gaw shaning law law up hkang na ra ai rai nna, shi a amyu matu ni mung Israela hpe prat ban law law up hkang na ra ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 16:22

Dai hpang, Shawlu gaw Yese hpang de shiga shana dat wu ai: “Ngai Dawi hpe yu ra se ai majaw, nye a amu gun hpai na matu, ndai yang e nga nga nu ga.”

1 SAMUELA 17:15

Dawi gaw Betlehem mare de wa wa rai nhtawm kawa a sagu ni hpe wa rem ya ya rai nga ai.

1 SAMUELA 18:23

Dai re ai majaw, ndai lam Dawi hpe shanhte tsun dan yang, shi gaw, “Hkawhkam wa a kahkri tai nna hkik hkam ai shagrau sha-a lam hpe hkam la na gaw ngai zawn re ai ahkyak n re ai hte matsan mayan re ai wa a matu nau wa kaba la ai amu rai nga ai,” ngu nna htan wu ai.