SHAKAWN KUNGDAWN 13:5 - Jinghpaw Common Language Bible 2009

⁵ Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

Jinghpaw Hanson Version Bible

⁵ Ngai chyawm gaw, na a chyeju hta shamyet nga nngai, Na a hkye la ai lam hta nye a myit kabu nga ai;

SHAKAWN KUNGDAWN 13:5 ပူးပေါင်းရင်းမြစ်များ

SHAKAWN KUNGDAWN 119:81

Madu e, ngai hki ba la nga nngai majaw, ngai hpe hkye hkrang la na matu, nang hpe ala nga nngai; na a mungga hta ngai kam hpa nga nngai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

SHAKAWN KUNGDAWN 25:2

nye a Karai Kasang e, nang hpe ngai kam hpa nga nngai. Kaya kahpa sum mat ai kaw na ngai hpe hkye hkrang la e; nye a gumlau hpyen ni hpe awng padang hte hkum kabu shangun nga et!

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

SHAKAWN KUNGDAWN 36:7

Karai Kasang e, na a dinggrin tsaw ra myit gaw kade wa hpu reng nga a hka! Na a singkaw ni a shingnip npu hta shingbyi shara anhte lu ga ai.

SHAKAWN KUNGDAWN 38:17

Ngai gaw kataw na sha rai ni ai hte n sim n sa machyi ai mung hkrum nga nngai.

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

SHAKAWN KUNGDAWN 52:8

Rai ti mung, ngai gaw Karai Kasang a nta na tsit lali ai tsanlun hpun zawn rai nga nngai; Ngai gaw shi a dinggrin tsaw ra myit hpe htani htana prat dingsa kam hpa nga nngai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,

LUKA 2:20

Sagu rem ai ni mung shanhte wa nna, shanhte hpe lamu kasa tsun dan manu ai hte maren, na la, mu la, ai lam mahkra a majaw, Karai Kasang hpe shagrau sha-a nna, shakawn kungdawn let bai wa ma ai.

YUDA 1:21

Madu Yesu Hkristu gaw shi a matsan dum ai myit hte nanhte hpe jaw na rai nga ai nhtum nwai asak lu la hkra Karai Kasang a tsaw ra ai myit hta anga nga mu.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!