SHAKAWN KUNGDAWN 13:1 - Jinghpaw Common Language Bible 2009

¹ Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

Jinghpaw Hanson Version Bible

¹ Yehowa e, gaten du hkra nang ngai hpe a malap kau nga na n ta? Gaten du hkra na a myi man, ngai kaw na makoi kau nga na wu ta?

SHAKAWN KUNGDAWN 13:1 ပူးပေါင်းရင်းမြစ်များ

YOBA 13:24

Nang gaw ngai hpe hpa majaw koi yen nga n ta? Nang gaw ngai hpe gumlau hpyen langai zawn hpa majaw di n ta?

SHAKAWN KUNGDAWN 10:12

Madu e, tara n lang ai masha ni hpe ari jaw u! Nni nkri hkrum sha nga ai ni hpe dum nga u!

SHAKAWN KUNGDAWN 35:17

Madu e, galoi du hkra, nang a yu nga na ngu n ta? Shanhte a gasat gala ai kaw na ngai hpe mawai la e. Ndai hkanghkyi ni kaw nna, nye a asak hpe hkye la e law!

SHAKAWN KUNGDAWN 44:24

Nang gaw hpa rai anhte kaw na makoi nga n ta? Anhte a nni nkri hte ru tsang lam hpe hkum malap kau ya mi.

SHAKAWN KUNGDAWN 6:3

Nye a hkum ting mung htum hkra ru tsang hkrum sha nga li ai. Madu e ngai hpe karum la na matu galoi du hkra ala na ngu nga n ta?

SHAKAWN KUNGDAWN 74:1

O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

SHAKAWN KUNGDAWN 80:4

Chyahtum Chyalai n-gun rawng ai Madu Karai Kasang e, nang gaw galoi du hkra, na a amyu masha ni a akyu hpyi ai ga ni a jaw e, pawt nga na n ni?

SHAKAWN KUNGDAWN 85:5

Nang anhte hpe htani htana masin pawt nga na n ni? Na a masin kahtet ai lam galoi mung n htum mai na rai sani?

SHAKAWN KUNGDAWN 89:46

Madu e, nang na hkum hpe htani htana htinggrum makoi da na ngu nga n ni? Na a masin kahtet ai gaw wan zawn kaden du hkra hkru nga na rai ta?

SHAKAWN KUNGDAWN 90:14

Jahpawt shagu, na a dinggrin tsaw ra myit hte anhte hpe jahpring ya mi; shing rai, anhte a asak prat tup kabu gara ai hte nang hpe mahkawn shakawn nga lu u ga.

ESAIA 59:2

Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

SHARUNG SHAYAWT 5:20

Nang anhte hpe hpa majaw dai daram na hkra kau da n ni? Nang anhte hpe bai dum nga na kun?

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.