SHAKAWN KUNGDAWN 128:6 - Jinghpaw Common Language Bible 2009

⁶ Na a kashu ni hpe mung nang hkrung nga ai hte yang mu lu n ga! Ngwi pyaw sim sa ai gaw Israela hte rau anga nga nu ga law!

Jinghpaw Hanson Version Bible

⁶ Na a kashu kasha ni hpe mung, nang mu lu n ga: Israela ntsa e, ngwipyaw ai gaw anga nga u ga law.

SHAKAWN KUNGDAWN 128:6 ပူးပေါင်းရင်းမြစ်များ

NINGPAWT NINGHPANG 48:11

Yaku gaw Yosep hpe, “Nang hpe bai mu lu na matu ngai galoi mung n myit ni ai; ya chyawm gaw na a kasha yan hpe pyi Karai Kasang ngai hpe mu shangun ni ai,” ngu nna tsun wu ai.

NINGPAWT NINGHPANG 50:23

Shi gaw Ehprim a kasha ni hte kashu du hkra mu kau da nu ai. Manashe a shadang sha Mahkira a kasha ni hpe mung shi pawn da lu nu ai.

YOBA 42:16

Ya ndai amu byin ai hpang, Yoba gaw asak latsa e mali shi ning du hkra hkrung nga nhtawm shi a kashu kasha ni hte shu mashi shu masha ni hpe mu kau da wu ai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

GA SHAGAWP 17:6

Shadang sha ni gaw kawa ni a majaw, asak kaba ugut gu sai ni gaw shanhte a kashu ni a majaw gumrawng nga ma ai.

ESAIA 66:12

Dai Madu gaw, “Ngai gaw nang hpe agrin nga ai ngamu ngamai lam jaw ya na nngai; masha amyu baw ni a sut gan gaw galoi mung n hkyet mat ai hka nu zawn nang hta lwi sa wa na ra ai. Nang gaw kanu e bau maka nna shi a lata hta pawn da nhtawm tsaw ra myit hte makrai chyai ai ma zawn tai na rin dai.

GALATI 1:16

Dai hpang maigan masha ni hpe shi a kasha a lam Kabu Gara Shiga hkaw tsun dan lu u ga matu shi a kasha hpe ngai e shadan dan ni ai. Dai shaloi e ngai gaw kade a hpaji jaw ai lam hpe mung n hpyi n hkam la nngai.