SHAKAWN KUNGDAWN 128:3 - Jinghpaw Common Language Bible 2009

³ Na a nta hta, na a madu jan gaw si si ai sabyi hpun zawn, na a nsha ni gaw tsanlun hpun lawn kasha ni zawn na a sha ku grup yin e rai nga na ma ai.

Jinghpaw Hanson Version Bible

³ Na a nta kata e, na a madu jan gaw si si ai tsabyi ru zawn, rai nga ai; Na a nsha ni, hkai ai tsanlun hpun zawn, Na a sha ku grup yin e rai nga ma ai.

SHAKAWN KUNGDAWN 128:3 ပူးပေါင်းရင်းမြစ်များ

NINGPAWT NINGHPANG 49:22

“Yosep gaw hka hpawk makau e nga ai lawze shazai hte Kawng nhkrem hkan hkawm nga ai gumra kasha shazai hte bung nga ai.

1 HKAWHKAM LABAU 8:40

Ulam a shadang sha ni gaw laklai ai share hpyenla ni hte ndan chye gap ai ni rai ma ai. Shi gaw kashu kasha yawng latsa e manga shi lu nga ai. Lahta de tsun lai wa sai mying nlang hte gaw Benyamin amyu bawsang ni hkrai rai ma ai.

SHAKAWN KUNGDAWN 127:3

Kashu kasha ni gaw dai Madu kaw na kumhpa ni rai nga ai; shanhte gaw jet ai shaman chyeju majing ni rai ma ai.

SHAKAWN KUNGDAWN 127:5

Dai zawn re ai pala law law lu ai masha wa gaw a nga ai. Shi gaw shi a gumlau hpyen ni hte tara rung e hkrum ti mung, sum ai lam galoi mung hkrum na n rai.

SHAKAWN KUNGDAWN 144:12

Anhte a shadang sha ni gaw shanhte a brang ram prat hta, hpun lawn kasha ni tu kaba wa ai zawn; anhte a shayi sha ni mung, Nawku Htingnu jut ni hpe mawn sumli da ai nlung shadaw ni zawn, rai nga mu ga.

SHAKAWN KUNGDAWN 52:8

Rai ti mung, ngai gaw Karai Kasang a nta na tsit lali ai tsanlun hpun zawn rai nga nngai; Ngai gaw shi a dinggrin tsaw ra myit hpe htani htana prat dingsa kam hpa nga nngai.

YEREMIA 11:16

Lang mi, ngai gaw shanhte hpe tsawm htap ja kat ai asi ni hte hpring nna tsit lali ai tsanlun hpun langai mi ngu nna shamying da ti mung, ya chyawm gaw mu zawn wu kadu ai nsen hte ngai dai hpun lap ni hpe wan jahkru kau nna de a lakung lakying ni hpe agrawp daw kau we ai.

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

ROMA 11:24

Nanhte maigan masha ni gaw dai tsanlun chyalam lakung hpe gyi la nhtawm htung n nga ti mung mi na tsanlun hpun chyanyi majing hta shachyaw matut hkai ai hte bung nga myit dai. Yuda masha ni gaw dai tsanlun chyanyi hpun hte bung nga ai rai nna tsanlun hpun chyanyi lakung ni hpe mi na tsanlun hpun majing hta matut shachyaw hkai na gaw Karai Kasang a matu grau loi na n rai ni?