SHAKAWN KUNGDAWN 128:2 - Jinghpaw Common Language Bible 2009

² Na a lata amu gaw na a ra kadawn nga ai lam ni hpe jahkum shatsup ya lu na ra ai; nang kabu gara wa lu ai hte ngamu ngamai wa na rin dai.

Jinghpaw Hanson Version Bible

² Na a lata a amu nang sha lu na ndai, nang a lu nna ngamai lu na ndai.

SHAKAWN KUNGDAWN 128:2 ပူးပေါင်းရင်းမြစ်များ

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 109:11

Shi a hka madu ni shi a sut gan arung arai yawng hte hpe la kau ya nga mu ga; masha tsasam ni mung, shi galaw ai bungli akyu mahkra hte hpe hkam sha lu mu ga.

HPAJI NINGLI 8:12

Yubak kap ai wa gaw ru hka amu latsa lang shut hpyit ti mung naw hkrung nga ai. Oh rai sa, shanhte ning nga tsun ai ga hpe ngai chye nngai: “Karai Kasang a ga hpe madat mara ai rai yang, lam magup jaw hkrak wa na ra ai,

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

YEREMIA 22:15

Kaga hpun ni hta grau kaja tsawm ai arit hpun nta ni hpe nang gaw gap da ndai majaw, dai gaw nang hpe grau kaja ai hkawhkam shatai a ni? Na a nwa gaw hkum tsup ai asak hkrun lam hta kabu gara lu nu ai. Shi gaw tut nawng e teng man ai hte rap ra nga nna, shi galaw ai amu yawng mayawng hta ngamu ngamai nga wu ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

EHPESU 6:3

Shing nga nna htet da ai ga gaw ga ndat lawm ai shawng ningnan na hkang da ai ga rai nga ai.

TARA JAHPRANG 28:11

Nanhte hpe jaw na ngu nna nanhte a nji nwa ni hpe ga sadi tawn da ai mungdan hta, kashu kasha law law, dumsu law law hte nai mam nsi naisi hkum sumhpa, dai Madu nanhte hpe n taw n tsang shakat ya na marin dai.

TARA JAHPRANG 28:39

sabyi sun hkai sharing tawn ti mung, shingtai ni e sha kau ya na ma ai majaw sabyi si di la lu na n rai myit dai; sabyi ntsin mung lu lu na n rai.

TARA JAHPRANG 28:4

“Kashu kasha matu mara law law hta mung, lamu ga na pru ai nsi naisi law law hta mung, sagu dumsu law law hkai ai hta mung, dai Madu gaw nanhte hpe shaman chyeju jaw ya na ra ai.

TARA JAHPRANG 28:51

Nanhte a yam nga hte nsi naisi ni hpe mung shanhte sha kau ya na mara ai; shaloi nanhte kawsi kyet si na rai myit dai. Shanhte gaw nsi naisi, sabyi ntsin, tsanlun sau, yam nga hpung hte sagu ni hpe nanhte a matu ngam da ya na ma ai n rai; nanhte si mat na marin dai.

TARA JAHPRANG 28:8

“Dai Madu nanhte a Karai Kasang gaw nanhte galaw ai magam amu hpe shaman chyeju jaw ya nhtawm nanhte a mam dum ni hta nai mam nsi naisi hte hpring nga na ra ai. Shi nanhte hpe jaw ai mung hta nanhte hpe shaman chyeju jaw ya na ra ai.