SHAKAWN KUNGDAWN 127:1 - Jinghpaw Common Language Bible 2009

¹ Dai Madu gaw dai nta hpe n gap da ai rai yang, nta gap ai ni a amu kaman lila rai nga ai. Dai Madu gaw dai mare hpe n makawp maga ai rai yang, sin langa ni a makawp maga ai lam kaman sha rai nga ai.

Jinghpaw Hanson Version Bible

¹ Yehowa gaw dai nta hpe n gap da yang, Nta gap da ai ni kaman sha galaw kau na mu ai: Yehowa gaw dai mare hpe n sin yang, Bau sin ai ni kaman sha sin kau na mu ai.

SHAKAWN KUNGDAWN 127:1 ပူးပေါင်းရင်းမြစ်များ

1 HKAWHKAM 5:12

Dai Madu gaw shi a ga sadi hpe shatup nu ai hte Shawlumon hpe hpaji byeng-ya jaw ya wu ai. Hiram hte Shawlumon gaw shada da ga shaka shagrin da nga ma ai majaw shan a lapran e ngwi pyaw sim sa ai lam nga nga ai.

1 HKAWHKAM LABAU 28:10

Shi a chyoi pra ai Nawku Htingnu hpe gap na matu dai Madu nang hpe lata la nit dai hpe nang dum hprang lu na rai ndai. Ya chyawm gaw dai hpe galaw sanu - dai hpe myit jahkut daw dan let galaw nu,” ngu nna tsun wu ai.

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

SHAKAWN KUNGDAWN 120:1

Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai.

SHAKAWN KUNGDAWN 121:1

Ngai gaw bum lang ni de mada yu nngai; ngai hpe karum na gaw, kanang na pru wa na rai nga a ta?

SHAKAWN KUNGDAWN 122:1

Shanhte gaw, “Dai Madu a nta de anhte lung wa saga,” nga nna ngai hpe tsun ma ai shaloi, ngai kabu gara nga nngai.

SHAKAWN KUNGDAWN 123:1

Madu e, nang up hkang nga ai Sumsing lamu de ngai mada yu nngai.

SHAKAWN KUNGDAWN 124:1

Lama wa, dai Madu anhte a hpang maga de n nga ai rai yang, hpa baw byin wa na rai nga ga ta? Israela amyu masha ni e, htan yu mu!

SHAKAWN KUNGDAWN 125:1

Dai Madu hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

SHAKAWN KUNGDAWN 126:1

Dai Madu anhte hpe Yerusalem mare de bai woi nhtang wa ai shaloi; dai gaw yup mang zawn rai nga ai!

SHAKAWN KUNGDAWN 72:1

O Karai Kasang e, na a ding man ai lam hte tara jeyang na matu, hkawhkam wa hpe sharin ya u; na a teng man ai lam shi hpe garan ya u,

SHAKAWN KUNGDAWN 78:69

Dai shara hta e, sumsing lamu na shi a nta hte bung ai shi a Nawku Htingnu hpe gaw gap da wu ai; htani htana prat ting ngang kang nga ai lamu ga zawn, dai hpe ngang ngang kang kang shi gaw da nga wu ai.

GA SHAGAWP 16:9

Na a bungli masing lam hpe nang lajang mai ti mung; Karai Kasang gaw na a shamu shamawt ai lam hpe hkang ya nga ai.

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

Shawlumon A Mahkawn Ga 3:3

Mare gawan hkawm ai sin langa ni ngai hpe mu ma ai. Ngai gaw shanhte hpe, “Nye a tsaw ra wa hpe mu myit ni?,” ngu nna san we ai.

Shawlumon A Mahkawn Ga 5:7

Mare sin hkawm ai ni ngai hpe mu nna, ngai hpe kayat jahpye mi ai; mare bunghku sin langa ni nye a palawng hpe gang je kau ya ma ai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

ESAIA 56:10

Shi gaw, “Nye a amyu masha ni hpe sadi jaw na zawn nawn ai ningbaw ni yawng, myi kyaw nga ma hka! Shanhte gaw hpa mung n chye ma ai. Shanhte gaw n wau ai sha, sin yu nga ai gwi ni hte bung ma ai-shanhte gaw hpum yup nga nna yup mang mu ma ai. Shanhte yup nga ai gaw kade sha yu tsaw ra hpa rai nga a hka!

ESAIA 62:6

Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai Madu shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

YEREMIA 51:12

Babelon mare bunghku ni hpe htim gasat na matu masat dawnghkawn sharawt mu. Sin langa shalaw da mu! Sin masha ni hpe tawn da mu! Makoi gasat na matu masha jahkrat tawn mu!,” ngu nna hkang da ma ai. Dai Madu gaw Babelon masha ni hpe galaw na ngu tsun nu ai hte maren galaw shadik nu ai.

YEREMIA 51:31

Babelon gaw man maga shagu agrawp daw mat sai lam, Babelon hkawhkam wa hpe wa tsun dan na nga, shiga htinglet ai ni langai hpang langai kagat sa ma ai.

1 KORINHTU 15:14

Hkristu gaw si mat ai kaw na bai n hkrung rawt a yang gaw, anhte hkaw dan ai ga gaw kaman lila rai nga ai hte, nanhte a makam masham mung kaman lila sha rai nga ai.

1 KORINHTU 3:7

Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai.

GALATI 4:11

Ngai gaw nanhte kaw kaman lila sha shakut kau nga ai nhten? ngu nna nanhte a lam ngai myit tsang nga nngai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

YAWSHU 2:2

Israela masha nkau mi ndai mung hpe kin-yu yu na nga, shana e du shang wa manu ai lam hpe Yerihko hkawhkam wa na wu ai shaloi,