SHAKAWN KUNGDAWN 123:4 - Jinghpaw Common Language Bible 2009

⁴ Anhte gaw lu su ai ni a asawng asang re ai hte gumrawng gumtawng hte dip gamyet sha ai ni a shatan nhkan hpe hkam sha ai aten mung nau wa na mat wa saga ai.

Jinghpaw Hanson Version Bible

⁴ Nhpaw n-ya re ai ni a aroi arip hte, Gumrawng ai ni a shatan nhkan hpe, Anhte a myit masin nau nan wa hkrum la sai.

SHAKAWN KUNGDAWN 123:4 ပူးပေါင်းရင်းမြစ်များ

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

YOBA 12:5

Nanhte gaw ru yak tsin-yam tsindam n hkrum nga myit tim, ngai hpe mani asawng nga myit dai; nanhte gaw kataw hkyen nga ai wa hpe adup nga myit dai.

YOBA 16:4

Nang gaw nye a shara hta nga nna ngai mung na a shara hta nga ai rai yang, nang shaga lu ai lam shagu hpe ngai shaga lu nngai. Ngai gaw hpaji hku nna nye a baw hpe ngai kanga lu nngai; ga mawru hte nang hpe marit si shangun nga lu ai.

SHAKAWN KUNGDAWN 119:51

Gumrawng gumtawng ai ni ngai hpe tut nawng e, jahpoi asawng nga ma ti mung; na a tara hpe ngai n kau da na nngai.

ESAIA 32:11

Nanhte gaw apyaw sha hte tsin-yam tsindam kaw na lawt ai hte nga yu manit dai; rai ti mung ya chyawm gaw hkrit gari nga manu! nanhte a hpun palawng ni raw sharun kau mu! Nanhte a nshang grup grup hta tsupni gyit da mu.

ESAIA 32:9

Apyaw sha nga nna tsin-yam tsindam kaw na lawt ai numsha ni e, ngai tsun nga ai ga hpe madat mu.

YEREMIA 48:11

Dai Madu gaw, “Moba gaw tut nawng shim nga lu nna galoi mung maigan mung de bawng dung hkrum yu nga ai n rai. Moba mung gaw shara mi hta asim sha jen bang da ai sabyi ntsin zawn rai nna, namtau langai mi kaw nna langai mi de galoi mung n htawt ru bang ra nga ai. Shi a mu bat gaw galoi mung n hten n mat ai hte shi a namchyim mung mi na hte maren kaja nga ai.

YEREMIA 48:27

Moba e, nang gaw Israela amyu masha ni hpe kaning rai ashu kau nit ta? Dai hpe dum nga u. Shanhte gaw mya lu mya sha ai damya hpung mi a lata hta rim hkrum ma ai zawn nang shanhte hpe di kau nit dai.

YEREMIA 48:29

Moba gaw grai gumrawng gumtawng nga a hka! Moba amyu masha ni kade daram gumrawng gumtawng ai, myit kaba ai hte myit tsaw myit dap nga ai hpe mung, shanhte kade daram myit kung nga ma ai hpe mung, ngai na ni ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

KASA 17:21

(Hpa majaw nga yang, ya Ahten mare masha nlang hte hte dai yang na shingbyi manam ni gaw laklai ai prat dep byin nga ai amu ningnan ni a lam tsun hkai chyai ai hte madat la let, shanhte a aten nhtoi hpe jai lang ai hta ra sharawng nga ma ai.)

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 26:24

Ya Pawlu dai hku shi hkum hpe makawp maga ai ga tsun ai shaloi, Hpestu gaw, “Pawlu e nang mana nit dai! Hpaji hparat nau chye dinglai nna de a majaw mana byin mat nit dai!,” ngu nna marawn jet kau wu ai.

1 KORINHTU 4:13

Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.

1 SAMUELA 17:42

Dawi hpe asan apra sha mu mada jang, shi hpe n gawn n sawn di wu ai; hpa majaw nga yang, shi gaw ahpraw asam tsawm nna yu htuk ai ma naw rai nga ai.