SHAKAWN KUNGDAWN 121:8 - Jinghpaw Common Language Bible 2009

⁸ dai Madu gaw ya kaw nna htani htana prat dingsa nang hkawm sa ai shara shagu hkan e, nang hpe makawp maga nga na ra ai.

Jinghpaw Hanson Version Bible

⁸ Yehowa gaw ya kaw nna prat dingsa e, Na a pru wa ai hte shang wa ai lam bau sin ya na ra ai.

SHAKAWN KUNGDAWN 121:8 ပူးပေါင်းရင်းမြစ်များ

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

EZRA 8:21

Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

EZRA 8:31

Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

SHAKAWN KUNGDAWN 113:2

Dai Madu a mying nsang hpe ya kaw nna, htani htana shakawn nga mu ga.

SHAKAWN KUNGDAWN 115:18

Rai ti mung, asak hkrung nga ai anhte ni chyawm gaw ya kaw nna, htani htana prat dingsa du hkra, shi hpe chyeju dum shakawn kungdawn nga na ga ai. Dai Madu hpe shakawn mu!

SHAKAWN KUNGDAWN 125:2

Bum ni gaw Yerusalem mare hpe grup rai gawan da nga ai hte maren, dai Madu mung, shi a amyu masha ni hpe ya kaw nna prat dingsa grup rai gawan da nga ai.

SHAKAWN KUNGDAWN 131:3

Israela e, ya kaw nna htani htana prat dingsa, dai Madu hpe kam hpa nga mu law!

GA SHAGAWP 2:8

Shi gaw kaga masha ni a ntsa e, tara rap ra ai hku kanawn mazum ai ni hpe makawp maga ya nna, shi hta myit maju jung ai ni hpe bau sin ya nga ai.

GA SHAGAWP 3:6

Nang galaw ai lam shagu hte hta, dai Madu hpe dum nga u; shing rai yang, shi gaw ding man ai lam, nang hpe madun dan na ra ai.

TARA JAHPRANG 28:19

“Dai Madu gaw nanhte galaw ai amu bungli shagu hpe dagam kau na ra ai.

TARA JAHPRANG 28:6

“Dai Madu gaw nanhte galaw ai lam magup hpe shaman chyeju jaw ya na ra ai.