SHAKAWN KUNGDAWN 121:4 - Jinghpaw Common Language Bible 2009

⁴ Israela hpe makawp maga nga ai wa gaw, galoi mung yup nga, yup pyaw nga ai n rai.

Jinghpaw Hanson Version Bible

⁴ Yu mu, Israela hpe bau sin ai wa gaw, Yup nga, yup pyaw wa nga ai, n rai.

SHAKAWN KUNGDAWN 121:4 ပူးပေါင်းရင်းမြစ်များ

1 HKAWHKAM 18:27

Jan pungding madi ai aten hta chyawm gaw Elia mung shanhte hpe mani shakre hpang wa nu ai: “Ja ja jahtau nna hpyi mu le! Shi gaw karai langai mi rai nga ai! Shani e yup mang mang nga a dawng! Shing n rai hkum tsan nga a dawng! Shing n rai bu hkawm dam nga nhten! Shi mi she yup pyaw nga ai kun? Nanhte madaw shi hpe jasu sharawt la ra na myit dai!”

SHAKAWN KUNGDAWN 127:1

Dai Madu gaw dai nta hpe n gap da ai rai yang, nta gap ai ni a amu kaman lila rai nga ai. Dai Madu gaw dai mare hpe n makawp maga ai rai yang, sin langa ni a makawp maga ai lam kaman sha rai nga ai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

HPAJI NINGLI 8:16

Ngai gaw hpaji chye ai wa tai wa lu hkra shakut ai hte ndai mungkan ga hta hpa byin wa nga ai hpe sharin la ai aten shagu, shani shana n lu yup ai hpe ngai dum chye nngai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu na ma ai hte, shi a nawku htingnu hta shani shana shi hpe nawku daw jau nga ma ai. Tingnyang hta dung nga ai wa mung, shanhte hte rau nga nga nna shanhte hpe makawp maga na ra ai.