SHAKAWN KUNGDAWN 12:7 - Jinghpaw Common Language Bible 2009

^7-8 Tara n lang ai masha ni gaw shara shagu hkan nga nga ma ai; n hkru ai lam hpe kadai mung sharawng awlaw nga ma ai. Madu e, anhte hpe tut nawng e, shim nga lu na matu bau sin ya mi, ndai zawn re ai masha ni a lata kaw nna anhte hpe kyem mazing da mi law.

Jinghpaw Hanson Version Bible

⁷ Yehowa e, nang shanhte hpe makawp maga nga na ndai. Ndai amyu hta na, nang shanhte hpe galoi mung jahka nga na ndai.

SHAKAWN KUNGDAWN 12:7 ပူးပေါင်းရင်းမြစ်များ

SHAKAWN KUNGDAWN 10:18

Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.

SHAKAWN KUNGDAWN 119:140

Na a ga sadi gaw kade wa teng man nga a hka! Dai hpe ngai kade wa tsaw ra nga n hka!

SHAKAWN KUNGDAWN 121:8

dai Madu gaw ya kaw nna htani htana prat dingsa nang hkawm sa ai shara shagu hkan e, nang hpe makawp maga nga na ra ai.

SHAKAWN KUNGDAWN 145:20

Shi hpe tsaw ra ai masha hkum shagu hte hpe, shi makawp maga ya ti mung; tara n lang ai ni hpe chyawm gaw shi sharun shabyak kau na wu ai.

SHAKAWN KUNGDAWN 16:1

O Karai Kasang e, Ngai hpe makawp maga la e, Shim nga na matu, ngai nang hpe kam hpa nga nngai.

SHAKAWN KUNGDAWN 18:31

Dai Madu shi chyu sha Karai Kasang rai nga ai; Karai Kasang chyu sha anhte a dahpran shara rai nga ai.

SHAKAWN KUNGDAWN 19:9

Madu hpe hkrit hkungga ai lam mai kaja nga ai rai nna, dai gaw htani htana agrin nga na ra ai. Madu a tara dara ai lam teng man nga ai rai nna, dai gaw tut nawng e tara rap ra nga ai.

SHAKAWN KUNGDAWN 37:28

hpa majaw nga yang, Madu gaw teng man ai lam hpe tsaw ra nga nna; kangka ai shi a amyu masha ni hpe n kau da nga ai majaw rai nga ai. Shi gaw shanhte hpe htani htana makawp maga nga ai, rai ti mung, tara n lang ai wa a aru arat ni gaw gawt shapraw kau ai hkrum na mara ai.

SHAKAWN KUNGDAWN 37:40

Shi gaw shanhte hpe karum nna mawai la nga ai, shanhte gaw shi kaw makawp maga la na matu du sa nga ma ai majaw, shi shanhte hpe tara n lang ai ni a lata kaw nna hkye hkrang la nga ai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.