SHAKAWN KUNGDAWN 12:6 - Jinghpaw Common Language Bible 2009

⁶ Dai Madu a ga sadi ni gaw kam mai nga ai; dai ni gaw wan htung hta sanit lang shabyawng jen kau sai gumhpraw jet zawn rai nga ai.

Jinghpaw Hanson Version Bible

⁶ Yehowa a ga chyoi pra ai ga rai nga ai; Bunghkrawng kaw nna, ga de byawng hkrat ai, Sanit lang shabyawng ai gumhpraw hte bung nga ai.

SHAKAWN KUNGDAWN 12:6 ပူးပေါင်းရင်းမြစ်များ

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

YOBA 20:19

hpa majaw nga yang, shanhte gaw matsan mayan masha ni hpe dip gamyet sha nna n sawn n sang di ma ai, marai langai ngai e gap da ai nta ni hpe zing la ma ai.

YOBA 28:1

Gumhpraw htu la ai maw nhkun ni nga nga ai; Aja jen la ai shara ni mung nga nga ai.

SHAKAWN KUNGDAWN 119:140

Na a ga sadi gaw kade wa teng man nga a hka! Dai hpe ngai kade wa tsaw ra nga n hka!

SHAKAWN KUNGDAWN 18:30

Ndai Karai Kasang shi a amu bungli ni kade wa hkum tsup nga a hka! Shi a tsun shaga ai ga ni, kade wa kam mai nga a hka! Shi gaw shi a makawp maga ai hpe hkan tam ai ni yawng a ninggang zawn rai nga ai.

SHAKAWN KUNGDAWN 19:8

Madu a tara ni gaw teng man nga nna, dai hpe hkan sa madat mara ai ni kabu gara nga ma ai. Madu a hkang da ai tara ni gaw ding man nga ai rai nna, myit masin hpe chye na shangun nga ai.

SHAKAWN KUNGDAWN 66:10

Karai Kasang e, nang gaw wan hte gumhpraw hpe shabyawng nna jasan ai zawn, anhte hpe chyam yu nga ndai. Dai zawn, nang gaw anhte hpe chyam yu ngut nit dai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

SHAKAWN KUNGDAWN 9:13

Madu e, ngai hpe matsan dum la e law! Nye a gumlau hpyen ni ngai hpe jahkrum ai nni nkri lam ni hpe mu ya e! Madu e, si hkrung si htan kaw nna ngai hpe mawai la e,

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

GA SHAGAWP 22:23

Dai Madu gaw shanhte a amu hpe tsun karum ya na ra ai; shanhte a asak hpe jahkrit shama ai ni kadai hpe mung, shi sharim kau na ra ai.

GA SHAGAWP 30:5

“Karai Kasang gaw shi tawn da ai ga shaka sha-u hta sadi dung nga ai. Shi gaw shi a makawp maga ai hta shingbyi shara hpe hkan tam ai masha ni yawng a matu ninggang zawn rai nga ai.

ESAIA 14:22

Chyahtum Chyalai N-gun rawng ai dai Madu gaw, “Ngai gaw Babelon hpe gasat nna dai mung hpe jahten sharun kau na we ai. Ngai gaw arai hpa hpe mung, kashu kasha ni hpe mung, asak hkrung nga ai masha langai mi hpe mung tawn da na nngai n rai. Dai Madu Ngai nan tsun ni ai.

ESAIA 33:10

Dai Madu gaw masha amyu baw ni hpe, “Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.