Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SHAKAWN KUNGDAWN 12:2 - Jinghpaw Common Language Bible 2009

2 Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

အခန်းကိုကြည့်ပါ။ ကော်ပီ

Jinghpaw Hanson Version Bible

2 Langai hte langai tinang a htingbu wa hte masu ga tsun ma ai; Bawk ai nten hte, myit lahkawng hte shanhte tsun ma ai.

အခန်းကိုကြည့်ပါ။ ကော်ပီ




SHAKAWN KUNGDAWN 12:2
25 ပူးပေါင်းရင်းမြစ်များ  

Shi a tsun shaga ai ga hta dagam dala, masu magaw hte jahkrit shama ai ga ni hte hpring nga ai; shi gaw n dawng ai hte n hkru ai ga ni hpe tsun na lawan nga ai.


Ngai hkrit tsang ai aten hta pyi, “Kadai hpe mung n kam lu nga ai,” ngu nna tsun ni ai.


Gumshem ai nye a gumlau hpyen ni a lata kaw nna ngai hpe hkye hkrang la e; tsasam masha ni a n-gun atsam kata kaw nna mung ngai hpe hkye hkrang la e; shanhte gaw teng man ai ga hpe galoi mung n tsun nga ma ai hte dagam ga hte ga shaka la tim pyi shanhte masu ai ga ni hpe naw tsun nga ma ai.


Shanhte gaw teng man ai ga hpe, galoi mung n tsun nga ma ai; teng man ai ga tsun na matu, dagam ga hte ga shaka tawn sai rai ti mung, shanhte naw masu nga ma ai.


Tara n lang ai ni hte mung, n hkru ai amu galaw ai ni hte mung, masha a n-gup aga ni gaw jinghku zawn hku hkau nga ti mung, shanhte a myit masin ni hta n ju n dawng ai myit rawng nga sai ni hte rau ngai hpe hkum daw dan et.


Ngai hpe sat mayu ai ni, nye a matu mahkam hkam da nga nna, ngai hpe machyi shangun mayu ai ni mung ngai hpe jahten shabyak lu na matu jahkrit shama nga ma ai; shanhte gaw ngai hpe n sim n sa n kaja ai lam maw mawn nga ma ai.


Ngai kaw sa chyai ai ni gaw myit kaja ai hte n sa ma ai; shanhte gaw nye a lam hte seng ai n kaja ai shiga hpe mahkawng shinggyin nna shara shagu de dai lam hpe tsun shabra ma ai.


Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.


Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.


Yubak gaw shanhte a nten ni hta rawng nga ai, shanhte tsun shaga ai ga ni yawng mung yubak hkrai rai nga ai. shanhte gaw dagam dala ga hte masu magaw ga ni hpe tsun nga ma ai majaw; shanhte a gumrawng gumtawng ai mahkam hta ahkang nga mu ga!


Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.


Kadum kahte ga tsun ai gaw makoi magap ai amu bungli hpe galoi mung n ip da lu nga ai; ladu lai ga shaga ai ni hte hkum kanawn et.


Masha hkum shagu hte gaw, shi gade sadi dung ai hte kangka nga ai hpe tsun shana nga ma ai; teng teng dai zawn re ai wa hpe kadai mu tam lu nga a hka!


Na a manang ni hpe nang abawk ai rai yang, na a matu, nang mahkam hkam la nga ndai.


Shanhte a amyu baw gaw dai Madu shanhte a Karai Kasang ngu ai nye a ga hpe n madat, shanhte hpe jaw ai ari kaw na hpa mung n sharin la ngu nna nang shanhte hpe tsun na rai ndai. Kangka ai gaw si mat sai, de a lam loi mi pyi tsun na n rai sai.


Shanhte a shinglet ni gaw sat kau chye ai pala ni hte bung nna, shanhte gaw tut nawng e masu magaw ga ni tsun ma ai. Masha shagu gaw tinang a htingbu ni hpe hku hkau ga tsun ma ai, rai ti mung, shanhte gaw dai ni a matu mahkam hpe teng teng hkam da nga ma ai.


“Israela amyu masha ni a lapran e n teng n man ai shingran ni hte lam shadam ai myihtoi ga ni galoi mung nga sana n rai.


Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.


Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.


Hpa majaw nga yang, nanhte atsawm sha chye nga myit dai hte maren, anhte gaw nanhte hpang de n teng n man ai hku asawng hkalem ai ga tsun shaga let, shing n rai nammak lawhpa ai lam hpe magap ai ga ni lang let sa ga ai n rai. Dai lam hta Karai Kasang nan sakse rai nga ai.


Shing re ai wa gaw agyoi ai wa rai nga ai majaw dai Madu kaw na lama ma lu la na zawn hkum nawn nga u ga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ