SHAKAWN KUNGDAWN 118:9 - Jinghpaw Common Language Bible 2009

⁹ Masha a ningbaw ni hpe shamyet shanat ai hta dai Madu hpe kam hpa ai gaw grau nna mai kaja nga ai.

Jinghpaw Hanson Version Bible

⁹ Yehowa hta shingbyi nga ai gaw, Du ni hpe shamyet nga ai hta grau kaja nga ai.

SHAKAWN KUNGDAWN 118:9 ပူးပေါင်းရင်းမြစ်များ

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

EZEKELA 29:7

Shanhte nang hpe shamyet shanat yang, shanhte a lahpa hpe galun htinggrang ya nna shadaw kau ya ndai; shanhte a shingma ni hpe manai kabun ya nga ndai.

HOSEA 10:3

Ndai amyu masha ni gaw kade n na yang, “Dai Madu hpe anhte n hkrit hkungga ga ai majaw anhte hkawhkam n lu ga ai. Rai ti mung, hkawhkam dai anhte a matu hpa wa mi galaw ya lu na rai ta?,” ngu nna tsun na mara ai.