SHAKAWN KUNGDAWN 118:7 - Jinghpaw Common Language Bible 2009

⁷ Dai Madu ngai hpe karum ai wa rai nga ai majaw; nye a gumlau hpyen ni sum mat ai hpe ngai mu lu na ring ngai.

Jinghpaw Hanson Version Bible

⁷ Yehowa ngai hpe karum ai wa rai nga ai. Ngai hpe n dawng ai ni hta, ngai myit shatup lu na mawe ai.

SHAKAWN KUNGDAWN 118:7 ပူးပေါင်းရင်းမြစ်များ

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

SHAKAWN KUNGDAWN 112:8

Shi gaw myit ru myit tsang ai hte hkrit ai myit n nga nga ai; shi a gumlau hpyen ni sum mat ai hpe teng teng mu lu na re nga nna, shi kam nga ai.

SHAKAWN KUNGDAWN 54:4

Rai ti mung, Karai Kasang gaw ngai hpe karum la ai wa rai nga ai; dai Madu gaw ngai hpe makawp maga ai wa rai nga ai.

SHAKAWN KUNGDAWN 54:6

O Madu e, ngai nang hpe kabu gara ai myit hte shagu hkungga ni nawng jau na nngai; nang mai kaja nga ndai majaw ngai nang hpe chyeju dum nga na nngai.

SHAKAWN KUNGDAWN 54:7

Nye a ru tsang lam yawng kaw na, nang ngai hpe mawai la nga nit dai, nye a gumlau hpyen ni sum mat ai hpe ngai mu se ai.

SHAKAWN KUNGDAWN 55:18

Gumlau hpyen law law ni hpe ngai hkap gasat ai majan ginra kaw na; shi ngai hpe shim ai hku bai woi wa na ra ai.

SHAKAWN KUNGDAWN 59:10

Nye a Karai Kasang gaw ngai hpe tsaw ra nga ai rai nna, ngai kaw sa wa na ra ai, nye a gumlau hpyen ni sum mat ai lam shi ngai hpe madun dan shangun na ra ai.

SHAKAWN KUNGDAWN 59:11

O Karai Kasang e, shanhte hpe hkum sat kau et, shing n rai, nye a amyu masha ni malap kau na mara ai. Anhte hpe makawp maga ai Madu e, na a n-gun atsam hte shanhte hpe shabra kau nna, shanhte hpe dang kau u.

SHAKAWN KUNGDAWN 92:11

Nye a gumlau hpyen ni sum mat ai hpe ngai mu lu se ai hte; tara n lang ai masha ni a hkrap shabam ai nsen ni hpe na lu se ai.

ESAIA 41:13

Ngai gaw dai Madu na a Karai Kasang rai nga nngai; Ngai gaw nang hpe n-gun jaw nna nang hpe, ‘Hkum hkrit et; ngai nang hpe karum na nngai,’ ngu nna tsun nngai.