SHAKAWN KUNGDAWN 118:1 - Jinghpaw Common Language Bible 2009

¹ Dai Madu gaw mai kaja nga ai majaw, shi hpe chyeju dum mu; shi a tsaw ra myit htani htana agrin nga ai.

Jinghpaw Hanson Version Bible

¹ Yehowa gaw mai kaja nga ai majaw, shi hpe shakawn kungdawn mu: Shi a chyeju htani htana agrin nga ai.

SHAKAWN KUNGDAWN 118:1 ပူးပေါင်းရင်းမြစ်များ

1 HKAWHKAM LABAU 16:34

Dai Madu gaw mai kaja nga ai rai nna, shi hpe chyeju dum mu; shi a tsaw ra myit htani htana agrin nga ai.

1 HKAWHKAM LABAU 16:8

Dai Madu a chyeju hpe shakawn mu, shi a galu kaba ai lam hpe htawn tsun mu; shi galaw dan sai magam bungli ni amyu baw ni hpe tsun dan mu.

SHAKAWN KUNGDAWN 100:5

Dai Madu gaw mai kaja nga ai rai nna, shi a tsaw ra myit htani htana anga nga ai, shi a sadi sahka gaw prat mi hte prat mi agrin nga ai law.

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

SHAKAWN KUNGDAWN 106:1

Dai Madu hpe shakawn nga mu! Shi mai kaja nga ai majaw, dai Madu hpe chyeju dum mu; shi a tsaw ra myit mung htani htana prat ting agrin nga ai.

SHAKAWN KUNGDAWN 107:1

“Madu gaw mai kaja nga nna, shi a tsaw ra myit htani htana agrin nga ai majaw, shi hpe chyeju shakawn mu!”

SHAKAWN KUNGDAWN 118:29

Shi mai kaja nga ai majaw, dai Madu hpe chyeju shakawn nga mu; shi a tsaw ra myit htani htana agrin nga ai law.

SHAKAWN KUNGDAWN 136:1

Shi gaw mai kaja nga ai majaw, dai Madu hpe chyeju dum shakawn nga mu; shi a tsaw ra myit htani htana agrin nga ai.

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.