SHAKAWN KUNGDAWN 115:2 - Jinghpaw Common Language Bible 2009

² “Nanhte a Karai Kasang kanang nga nga a ta?,” nga nna amyu baw ni anhte hpe hpa majaw san nga ma ni?

Jinghpaw Hanson Version Bible

² “Shanhte a Karai Kasang ya kanang nga malu hka?” nga nna, masha amyu ni, hpa rai tsun na ma ta?

SHAKAWN KUNGDAWN 115:2 ပူးပေါင်းရင်းမြစ်များ

SHAKAWN KUNGDAWN 42:10

“Na a Karai Kasang kanang nga nga a ta?,” nga nna shanhte ngai hpe tut tut san nga ma ai majaw, shanhte a jahpoi asawng ai nni nkri hpe hkam sha nga nngai.

SHAKAWN KUNGDAWN 42:11

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hpe myit mada nga let, nye a hkye la Madu hte nye a Karai Kasang hpe kalang mi bai shakawn na ring ngai.

SHAKAWN KUNGDAWN 42:3

Ngai gaw shani shana hkrap nga nngai, shing rai, myi prwi ni sha, nye a lusha rai nga ai; “Na a Karai Kasang kanang nga nga a ta?,” nga nna aten shagu nye a gumlau hpyen ni ngai hpe san nga ma ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

PRU MAT 32:12

Nang gaw shanhte hpe bum lang hkan sat kau nna shanhte hpe atsai awai shamyit kau na matu shatawng shada nhtawm, na a amyu masha ni hpe Egutu mung kaw na woi wa wu ai nga, Egutu masha ni hpe hpa majaw tsun shara sharawng na rai nga a ta? Masin pawt ai hpe shakawp kau sanu; na a myit galai kau nhtawm na a amyu masha ni a ntsa e ndai ru yak tsin-yam tsindam hkum shadu et.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”