SHAKAWN KUNGDAWN 113:5 - Jinghpaw Common Language Bible 2009

⁵ Dai Madu anhte a Karai Kasang hte bung ai wa langai mi mung n nga nga ai. Shi gaw ntsa de na tsaw ai shara hta e nga nga ai;

Jinghpaw Hanson Version Bible

⁵ Htaw ntsa e shi a dung tingnyang rai nga timung, Lamu hte aga a arai guji guyang yu yu na,

SHAKAWN KUNGDAWN 113:5 ပူးပေါင်းရင်းမြစ်များ

SHAKAWN KUNGDAWN 103:19

Dai Madu gaw shi a tingnyang hpe sumsing lamu ntsa e, shadun da nna; shi gaw yawng mayawng a ntsa na hkawhkam wa rai nga ai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

SHAKAWN KUNGDAWN 89:7

Nang gaw chyoi pra ai ni a hpawng hta hkrit hkungga ai lam hkam la lu nga ndai; shanhte yawng hte gaw nang hpe mau mahka let tsap nga ma ai.

SHAKAWN KUNGDAWN 89:8

Chyahtum Chyalai n-gun rawng ai Madu Karai Kasang e, nang zawn daru magam n-gun rawng ai wa kadai mung n nga nga ai; Madu e, nang gaw lam shagu hta sadi sahka nga ai wa rai nga ndai.

SHAKAWN KUNGDAWN 89:9

Nang gaw n-gun hte hpring ai panglai hka hpe up hkang nga ndai; de a ja la ai hka leng ni kabrawng wa tim, nang shazim kau nga ndai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 16:5

Dai hpang Dawi a matu mara langai gaw hkawhkam tai na ra ai, shi gaw amyu masha ni hpe sadi sahka hte tsaw ra myit hte up hkang na ra ai. Shi gaw ding hpring ai amu galaw na matu lawan na ra ai; teng man rap ra ai amu nga nga ai hpe shi mu na ra ai.)

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 40:25

Chyoi pra ai Karai Kasang hpe kadai hte shadawn lu a ta? Shi hte bung ai wa mi nga nga a ni?

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.