SHAKAWN KUNGDAWN 113:4 - Jinghpaw Common Language Bible 2009

⁴ Dai Madu gaw amyu baw ni yawng a ntsa e up nga ai; shi a hpung shingkang sumsing lamu ntsa e kabrim nga ai.

Jinghpaw Hanson Version Bible

⁴ Yehowa gaw masha amyu nlang a ntsa e, Shi a hpung shingkang lamu ntsa e, tsaw nga ai.

SHAKAWN KUNGDAWN 113:4 ပူးပေါင်းရင်းမြစ်များ

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

SHAKAWN KUNGDAWN 148:13

Dai Madu a mying nsang hpe shanhte yawng shakawn mu ga! Shi a mying nsang gaw kaga ni yawng hta grau nga ai; shi a hpung shingkang gaw ginding aga hte sumsing lamu a ntsa e, chyam nga ai.

SHAKAWN KUNGDAWN 8:1

O Madu anhte a Madu e, na a galu kaba ai lam hpe mungkan ting hta mu lu nga a hka! Nang hpe shakawn ai ga ni, sumsing lamu ni de du hkra hkrang lung nga ai;

SHAKAWN KUNGDAWN 97:9

Chyahtum Chyalai n-gun rawng ai Madu e, mungkan ga mahkra hpe up hkang ai wa nang rai nga ndai; nang gaw hpara ni mahkra hta grau nna kaba nga ndai.

SHAKAWN KUNGDAWN 99:2

Ziun e shanu nga ai dai Madu gaw n-gun chyalai rawng nga ai; amyu baw ni yawng hta grau htum ai wa rai nga ai.

ESAIA 40:15

Masha amyu baw ni gaw dai Madu a matu kaman lila rai nga ai, dai ni gaw hka kahte mi hta pyi grau ma ai n rai; sumtsan ga na zunlawng ni gaw ga nhpu zawn tsang nga ai.

ESAIA 40:17

Masha amyu baw ni gaw shi a matu kaman be be rai ma ai.

ESAIA 40:22

Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?