SHAKAWN KUNGDAWN 113:2 - Jinghpaw Common Language Bible 2009

² Dai Madu a mying nsang hpe ya kaw nna, htani htana shakawn nga mu ga.

Jinghpaw Hanson Version Bible

² Ya kaw nna htani htana du hkra, Yehowa a amying ningsang, a nga lu ga.

SHAKAWN KUNGDAWN 113:2 ပူးပေါင်းရင်းမြစ်များ

1 HKAWHKAM LABAU 16:36

Dai Madu Israela a Karai Kasang hpe shakawn kungdawn mu! Ya kaw nna shi hpe htani htana shakawn kungdawn mu! Dai hpang amyu masha ni yawng, “Amen,” ngu nna tsun let dai Madu hpe shakawn kungdawn ma ai.

SHAKAWN KUNGDAWN 106:48

Dai Madu Israela a Karai Kasang, hpe shakawn nga mu! Shi hpe ya kaw nna, htani htana shakawn kungdawn nga mu! Masha hkum shagu, “Amen” ngu nna tsun nga mu ga law! Dai Madu hpe shakawn mu!

SHAKAWN KUNGDAWN 115:18

Rai ti mung, asak hkrung nga ai anhte ni chyawm gaw ya kaw nna, htani htana prat dingsa du hkra, shi hpe chyeju dum shakawn kungdawn nga na ga ai. Dai Madu hpe shakawn mu!

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

Daniela 2:20

“Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

EHPESU 3:21

Hkristu a marang e mung, htani htana hpung shingkang dan hkung nga u ga law. Amen.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.