SHAKAWN KUNGDAWN 112:7 - Jinghpaw Common Language Bible 2009

⁷ N kaja ai shiga hpe na yang, dai hpe shi n hkrit nga ai; shi a makam masham n-gun ja nga ai hte dai Madu hpe kam hpa nga ai.

Jinghpaw Hanson Version Bible

⁷ N kaja ai shiga hpe shi n hkrit wu ai; Shi a myit Yehowa hta hpa nga nna, ngang nga ai.

SHAKAWN KUNGDAWN 112:7 ပူးပေါင်းရင်းမြစ်များ

YOBA 11:15

dai hpang, mungkan de myi man bai yawng let, ngang ngang tsap nna nden marai rawng nga u.

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 34:4

Ngai gaw Madu kaw akyu hpyi ni ai hte shi ngai hpe htan ya ni ai; shi gaw nye a hkrithpa lam yawng kaw na, ngai hpe shalawt la ni ai.

SHAKAWN KUNGDAWN 57:7

Karai Kasang e, ngai tsep kawp kam hpa nga nngai; ngai nang hpe mahkawn mangoi hte shakawn na nngai!

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 64:10

Karai Kasang galaw shapraw dan sai amu ni a majaw, ding hpring ai masha ni yawng kabu gara na mara ai. Shanhte shi hta shim lum nga na mara ai, mai kaja ai amyu masha ni yawng shi hpe shakawn na mara ai.

GA SHAGAWP 1:33

Rai ti mung, nye a ga hpe madat mara ai ni chyawm gaw shim lum ai lam lu la na ma ai. Shi gaw ngwi pyaw sim sa nna, hkrit tsang lam hpa mung hkrum hkra na wu ai n rai.”

Daniela 3:16

Shadrak, Meshak hte Abednego ni gaw, “Madu hkawhkam wa e, anhte chyawm gaw anhte a matu makawp maga la mayu nga ga ai n rai.

LUKA 21:19

Nanhte gaw dakring dalang rai ngang ngang tsap nga mu, shaloi nanhte hkye hkrang la ai hkrum na marin dai.

LUKA 21:9

Hpyen gasat ai lam ni hte gumlau rawt ai lam ni na yang hkum hkrit myit; dai lam ni shawng byin lu na rai nga ai, rai ti mung, dai ni gaw, jahtum nhtoi ni ra ai ngu mayu ai garai n rai nga ai,” ngu nna tsun mu ai.

YAWHAN 14:1

Yesu gaw, “Nanhte myit hkum ru myit; Karai Kasang hpe kam mu, ngai hpe mung kam mi.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

KASA 27:25

Dai re ai majaw hkau hte e, hkum tsang myit, ngai hpe tsun dan ai hte maren rai na ra ai ngu nna ngai Karai Kasang hpe kam sham nga nngai.