SHAKAWN KUNGDAWN 112:4 - Jinghpaw Common Language Bible 2009

⁴ Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

Jinghpaw Hanson Version Bible

⁴ Matsan dum chye ai, n-gaw nwai ai hte dinghpring ai nhtoi, Myit malang ai ni a matu mara nsin hta e dan pru na ra ai.

SHAKAWN KUNGDAWN 112:4 ပူးပေါင်းရင်းမြစ်များ

YOBA 11:17

Na a asak gaw jan pungding hta grau htoi na ra ai; asak a nsin sin htum ai ahkying aten ni pyi jahpawt manap zawn htoi wa na ra ai.

YOBA 22:28

Nang galaw ai lam shagu awng dang na ra ai; nang sa wa ai lam hta nhtoi jahtoi ya na ra ai.

YOBA 29:3

Karai Kasang gaw ngai hte rau tut nawng nga nga ai rai nna nsin de ngai hkawm lai mat wa yang shi ngai hpe nhtoi jaw ya nga ai.

SHAKAWN KUNGDAWN 106:1

Dai Madu hpe shakawn nga mu! Shi mai kaja nga ai majaw, dai Madu hpe chyeju dum mu; shi a tsaw ra myit mung htani htana prat ting agrin nga ai.

SHAKAWN KUNGDAWN 116:5

Dai Madu gaw matsan dum ai hte mai kaja ai wa rai nga ai; anhte a Karai Kasang gaw matsan chye dum ai wa rai nga ai.

SHAKAWN KUNGDAWN 145:17

Madu shi galaw ai lam yawng mayawng hte hta ding hpring nga ai rai nna, shi a magam bungli ni yawng hta matsan yu dum ai wa rai nga ai.

SHAKAWN KUNGDAWN 37:6

Na a ding man ai lam hpe jan pungding shingkang zawn, shi shapraw dan na ra ai.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

GA SHAGAWP 21:21

Matsan dum ai hte myit malang nga u; shaloi asak galu hkra nang nga lu na rin dai, kaga masha ni mung, nang hpe hkungga jaw nna tara rap ra ai hku nang hpe matut mahkai kanawn na ra ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

ESAIA 58:10

kawsi kyet ai ni hpe nang lusha jaw nhtawm, ra kadawn ai ni hpe nang myit shadik ya ndai rai yang, nang hpe shinggrup da ai nsin gaw shani chyingtung na nhtoi tai na ra ai.

ESAIA 58:8

“Dai hpang nye a myi man gaw jahpawt manap na ajan zawn na a ntsa e htoi wa na ra ai, na a ningma ni alawan shamai shatsai ai hkrum na ra ai. Ngai gaw nang hpe hkye la na matu nang hte tut nawng nga nga na nngai; nye a hpung shingkang gaw nang hpe man maga shagu makawp maga la na nngai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

EHPESU 5:15

Dai re majaw nanhte gara hku sak hkrung hkawm sa nga myit dai gaw atsawm sha yu nga mu. Hpaji n rawng ai angawk angak masha ni zawn n re ai sha, hpaji rawng ai masha ni zawn hkawm nga mu.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.