SHAKAWN KUNGDAWN 11:4 - Jinghpaw Common Language Bible 2009

⁴ Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

Jinghpaw Hanson Version Bible

⁴ Yehowa gaw shi a chyoi pra ai Htingnu hta nga nga ai: Sumsing lamu hta e shi a tingnyang rai nga ai. Shi a myi a mada nga nna, Shi a myi hpyi shinggyim masha ni hpe azi yu nga mu ai.

SHAKAWN KUNGDAWN 11:4 ပူးပေါင်းရင်းမြစ်များ

1 HKAWHKAM LABAU 17:5

Israela amyu masha ni hpe Egutu mung kaw na ngai hkye mawai la ai shani kaw nna dai ni du hkra htingnu kata e ngai galoi mung n rawng yu nngai; sum kata e nga nga nna shara mi kaw nna shara mi de kayin hkawm kau ni ai.

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 103:19

Dai Madu gaw shi a tingnyang hpe sumsing lamu ntsa e, shadun da nna; shi gaw yawng mayawng a ntsa na hkawhkam wa rai nga ai.

SHAKAWN KUNGDAWN 113:5

Dai Madu anhte a Karai Kasang hte bung ai wa langai mi mung n nga nga ai. Shi gaw ntsa de na tsaw ai shara hta e nga nga ai;

SHAKAWN KUNGDAWN 139:23

Karai Kasang e, ngai hpe manaw yu nna nye a myit hpe chye ya e; ngai hpe chyam dinglik yu nna nye a myit sawn ai lam hpe mu chye nga ya e.

SHAKAWN KUNGDAWN 14:2

Hpaji rawng nna shi hpe nawku daw jau ai ni nga dam ai rai yang, dai hpe mada yu na matu dai Madu gaw sumsing lamu kaw nna shinggyim masha ni hpe gum yu nga ai.

SHAKAWN KUNGDAWN 18:6

Nye a ru tsang ai hta, ngai gaw Madu hpe shaga nna; karum la na matu, nye a Karai Kasang hpe ngai shaga we ai. Shi a Htingnu hta, nye a nsen hpe shi na ya nna; karum la na matu, ngai hpyi jahtau ai nsen hpe shi madat ya ni ai.

SHAKAWN KUNGDAWN 2:4

Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

SHAKAWN KUNGDAWN 33:13

Dai Madu gaw sumsing lamu kaw nna gum yu nga ai hte shinggyim masha nlang hte hpe mu nga ai.

SHAKAWN KUNGDAWN 44:21

anhte a kraw kata e makoi da ai myit sawn lam ni hpe nang chye ya nga ndai majaw; nang dai lam hpe teng teng mu chye kau na ndai.

SHAKAWN KUNGDAWN 66:7

Shi a chyalai n-gun hte htani htana shi up nga nna; amyu baw ni a ntsa e, shi azi yu nga ai. Shi hpe kadai wa mung n gumlang mu ga.

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!

GA SHAGAWP 15:3

Dai Madu gaw shara shagu hkan hpa baw byin nga ai hpe, mu chye nga ai; anhte kaja ai hte n hkru ai amu galaw nga ai hpe mung, shi yu nga ai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

MAHTE 23:21

Dai Nawku Htingnu a mying gang nna dagam ai wa mung, dai hte dai hta shanu nga ai Karai Kasang a mying hte dagam nu ai, rai nga ai

MAHTE 5:34

Rai ti mung, ya ngai nanhte hpe tsun made ai gaw, nanhte ga sadi tawn da ai shaloi dagam ai ga hpa mung hkum lang myit, lamu hta dagam lu na myit dai n rai, hpa majaw nga yang dai gaw Karai Kasang tingnyang rai nga ai.

KASA 7:49

“Sumsing lamu gaw nye a tingnyang ginding aga gaw nye a lagaw kabye lahkum rai nga ai. Kaning re ai nta nye a matu nang gap na n ta? Ngai shanu nga na shara gaw gara kaw rai ta?

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

SHINGRAN 4:2

Shaloi jang Wenyi hta ngai nawng mat wa nngai. Sumsing lamu hta e tingnyang langai mi nga nga ai rai nna, dai tingnyang hta marai langai mi dung nga ai.