SHAKAWN KUNGDAWN 11:2 - Jinghpaw Common Language Bible 2009

² hpa majaw nga yang, tara n lang ai ni gaw shanhte a ndan ni hpe shaw nna, kaja ai masha ni hpe shingnip kata kaw nna gap dat na nga, shanhte a pala ni hpe shading da ma ai.

Jinghpaw Hanson Version Bible

² Yu u, tara n lang ai ni ndan shachyen nna, Myit malang ai ni hpe nsin e gap na nga, Pala hpe ndan sumri hta bang da mu ai.

SHAKAWN KUNGDAWN 11:2 ပူးပေါင်းရင်းမြစ်များ

SHAKAWN KUNGDAWN 10:2

Tara n lang ai ni gumrawng gumtawng nga nna, matsan mayan ni hpe zingri zingrat nga ma ai; shanhte galaw da ai mahkam ni hta shanhte hpe lu shagun u.

SHAKAWN KUNGDAWN 125:4

Madu e, kaja ai masha ni hte na a hkang da ai ga ni hta madat mara hkan sa nga ai ni hpe, mai kaja ai lam jaw ya u.

SHAKAWN KUNGDAWN 142:3

Ngai gaw myit daw hten nna, asum jaw kau na matu jin jin rai nga ai shaloi, ngai hpa galaw ang ai lam hpe shi chye ya nga ai. Ngai hkawm sa wa ai lam hta nye a gumlau hpyen ni nye a matu mahkam up da ma ai.

SHAKAWN KUNGDAWN 21:12

Shi gaw shi a ndan pala ni hte shanhte hpe gap dat na ra ai; shanhte hpe kayin hprawng mat wa shangun na mara ai.

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 37:14

Matsan mayan ni hte ra kadawn ai ni hpe mung, teng man ai amu galaw ai masha ni hpe mung sat kau na nga; n hkru n shawp ai ni gaw shanhte a nhtu ni hpe shaw nna, ndan ni hpe shachyen nga ma ai;

SHAKAWN KUNGDAWN 64:10

Karai Kasang galaw shapraw dan sai amu ni a majaw, ding hpring ai masha ni yawng kabu gara na mara ai. Shanhte shi hta shim lum nga na mara ai, mai kaja ai amyu masha ni yawng shi hpe shakawn na mara ai.

SHAKAWN KUNGDAWN 7:10

Karai Kasang gaw ngai hpe makawp maga ai wa rai nga ai; shi hpe madat mara ai ni hpe shi hkye hkrang la nga ai.

SHAKAWN KUNGDAWN 7:12

Shanhte gaw shanhte a lam ni hta n galai shai ai rai yang, Karai Kasang gaw shi a nhtu hpe garang shadai ya wu ai. Shi gaw shi a ndan hpe shachyen nna dai hpe gap na matu jin jin rai nga na ra ai;

SHAKAWN KUNGDAWN 94:15

Tara rung ni hta teng man ai lam hpe bai mu lu wa na ra ai; ding hpring ai masha ni yawng hte mung dai lam hpe madi shadaw na mara ai.

SHAKAWN KUNGDAWN 97:11

Ding hpring ai wa a ntsa e, nhtoi hpe jahtoi ya nna; mai kaja ai ni a ntsa e, kabu gara ai lam tawn da ya nga ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

MAHTE 26:4

Yesu hpe kadai n chye ai sha rim la na hte sat kau lu na lam bawng ban lajang nga ma ai.

1 SAMUELA 18:21

Shi gaw, “Mihkala hpe Dawi kaw ya sha na nngai; Dawi hpe mahkam hkam la na matu shayi sha hpe akyu jashawn na we ai. Shaloi shi gaw Hpilisti masha ni a lata hta sat kau ai hkrum na ra ai,” ngu nna shi kraw e myit da wu ai. Shawlu gaw Dawi hpe, “Nang gaw nye a kahkri tai na rai ndai,” ngu nna lahkawng lang ngu na tsun wu ai.

1 SAMUELA 23:9

Shawlu gaw shi hpe htim gasat na lam maw mawn nga ai hpe Dawi na ai shaloi, shi gaw hkinjawng Abiahta hpe, “Nang de hpa hkai lawng la wa rit,” ngu nna tsun wu ai.