SHAKAWN KUNGDAWN 109:4 - Jinghpaw Common Language Bible 2009

⁴ Ngai shanhte hpe tsaw ra ai hte shanhte a matu akyu hpyi ya tim pyi, shanhte ngai hpe ninghkap nga ma ai.

Jinghpaw Hanson Version Bible

⁴ Nye a tsawra ai malai, ngai hpe nhtan shai ai hku hkan galaw ma ai: Ngai chyawm gaw akyu hpyi nga nngai.

SHAKAWN KUNGDAWN 109:4 ပူးပေါင်းရင်းမြစ်များ

2 SAMUELA 13:39

rai ti mung Amnon a si hkrung si htan lam a majaw shi yawn bran wa jang, shi a kasha Absalom hpe marit ai myit hpring wa nga lu ai.

1 HKAWHKAM LABAU 19:4

Hanun gaw Dawi a kasa ni hpe rim la nhtawm shanhte a nhka mun maga mi de na shangun kau ya let, dangbau du hkra shanhte a hpun palawng ni hpe rep kau ya nna dat kau dat wu ai.

SHAKAWN KUNGDAWN 35:12

Shanhte gaw kaja ai amu a matu, n hkru ai hte ngai hpe bai nhtang tai ma ai; ngai myit htum nga nngai.

SHAKAWN KUNGDAWN 35:7

Hpa mung n ra ra re ai kaw, shanhte gaw nye a matu mahkam hkam da ma ai, ngai hpe rim bang na matu sung ai nhkun langai mi htu da nga ma ai.

SHAKAWN KUNGDAWN 38:20

Mai kaja ai a matu, n hkru ai hpe htang jaw ai ni gaw teng man ai amu hpe ngai galaw shakut nga ai majaw, ngai hte nhtan shai nga ma ai.

GA SHAGAWP 17:13

Kaja ai a malai, n kaja ai hpe nang htang jaw ai rai yang, n kaja ai gaw na a nta kaw nna galoi mung shapraw kau lu na n rai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

YAWHAN 10:32

Yesu gaw, “Ngai galaw na matu nye Wa ngai e ap ya da ai kaja ai amu law law nanhte a man e ngai galaw dan ni ai; dai amu ni hta na gara mahtang a majaw ngai hpe nlung hte kabai mayu myit ta?,” ngu nna san mu ai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?